Бұл туралы шешімді Қарағанды қалалық мәслихатының кезектен тыс ХХХVІ сессиясында депутаттар бірауыздан қабылдады. Дәл осы күні облыстық мәслихаттың да кезектен тыс сессиясы өтіп, депутаттар әріптестерінің бұл шешімін бірауыздан қолдады.
– Біз, қарағандылықтар, Нұрсұлтан Назарбаевты жақсы білеміз және оның еңбек жолын Қарағанды жерінде бастағанын мақтан етеміз. Нұрсұлтан Назарбаев – өте кішіпейіл адам, Президент кезінде есімін ұлықтауға жол бермеді. Ал қазір Елбасына құрмет көрсетер кез келді. Оның есімімен Қарағандыдағы даңғылды атау – өте орынды және ақылға қонымды шешім деп есептеймін, – деді Елбасының серіктесі Николай Дрижд.
Айта кететін бір жайт, жаңа атауға ие болған даңғылдың бойында Елбасы жоғары білім алған Қарағанды мемлекеттік техникалық унрверситеті орналасқан.
Қайрат ӘБІЛДА,
«Егемен Қазақстан»
Қарағанды
