Мемлекет басшысының Өкімдерімен: Есжан Амантайұлы Біртанов Қазақстан Республикасы Ұлттық Банкі төрағасының орынбасары қызметіне; Мәдина Ерасылқызы Әбілқасымова Қазақстан Республикасы Ұлттық Банкі төрағасының орынбасары қызметіне; Нұрлан Шәдибекұлы Алдабергенов Қазақстан Республикасы Ұлттық экономика министрлігінің жауапты хатшысы қызметіне тағайындалды.
Сондай-ақ Мемлекет басшысының Өкімімен Жанат Бостанұлы Құрманов Қазақстан Республикасының Ұлттық Банкі төрағасының орынбасары қызметінен босатылды.
Бұдан бөлек, Мемлекет басшысының Өкімімен Арман Дайырұлы Жұмабеков басқа жұмысқа ауысуына байланысты Қазақстан Республикасы Ұлттық экономика министрлігінің жауапты хатшысы қызметінен босатылды.
