![ШҚО-ның түзеу мекемелеріндегі бағдарламаларда кемшіліктер анықталды](/article_photo/1553838099_article_b.jpeg)
Аталған бағытта ҚАЖД органдары жүргізіп жатқан нақты жұмысқа қарамастан, облыс прокурорлары түзеу мекемелерінің әкімшіліктері, сондай-ақ, тиісті қызметтер тарапынан бірқатар елеулі кемшіліктерді анықтаған. Негізгі кемшіліктердің бірі – әлеуметтік-құқықтық көмек көрсетудің жеке бағдарламаларын үстірт дайындау. Көбінесе онда сотталғандардың мемлекеттік қолдау шараларының жоқтығы көрсетіледі, ал қарсы тексеру шеңберінде олардың бұл туралы мүлде хабарсыз екені анықталған. Нәтижесінде 20-дан астам жеке бағдарламалар құрастырылды, тек ОВ 156/16 мекемесінде 10 жеке бағдарлама әзірленген. Пробация қызметі мен түзеу мекемелерінің арасында жеке бағдарламаларды, сотталғандарға алдағы уақытта босатылуы туралы хабарламаларды жолдау, оларға жинақтау істері мен аталған субъектілер мен ҚАЖД-нің қызметін жалпы үйлестіру бөлігінде өзара іс-қимылдардың жеткіліксіздігіне назар аударылды.
Пробация есебіндегі тұлғалардың жазаларын бас бостандығынан айыру жазасына ауыстыру заңдылығының мәселесін талқылағанда және ҚАЖД органдарына қайталама құқық бұзушылықтар туралы ескерту жолдаған кезде жеңіл жазаны ауыстыру туралы ұсынысты енгізу кезінде нақты шараларды қамтамасыз етіп, прокурорларға осындай істер бойынша дәйекті ұстанымды қолдау жөнінде тапсырма жүктелді. Кеңес отырысының қорытындылары бойынша жазаны ауыстыру мәселелері және пенитенциарлық пробация заңдылығын нығайтуға бағытталған бірқатар ұсыныстар берілді. «Барлық пробация субъектілерінің келісілген жұмысы, оларға заңмен жүктелген міндеттерін қатаң сақтау, қылмыстық саясатты ізгілендіру аясында ерекше маңызға ие институттың әрі қарай дамуына ықпал етіп, сотталғандардың құқықтарын қорғауын қамтамасыз етеді»,- дейді облыс прокурорының орынбасары А.Тілешев.
Азамат ҚАСЫМ,
«Egemen Qazaqstan»
ӨСКЕМЕН