Алаяқтың ақыры
Бейсенбі, 23 ақпан 2012 8:12
Батыс Қазақстан облыстық ішкі істер департаментінің криминалдық полиция қызметкерлері ел-жұртты бірнеше рет алдап, алаяқтық жолмен ақша тауып жүрген 34 жасар азаматты құрықтады. Қала дүкендеріне бас сұққан қолтығында қара пәпкісі бар әлгі әккі жігіт өзін «Өртке қарсы басқарманың қызметкерімін» деп таныстырып, дүкендердің техникалық ақауларын анықтаған болып, хаттама толтырып, сатушылардан қомақты ақша алып отырған. Үстіміздегі жылдың 12 қаңтары күні осындай жымысқы әрекетін жүзеге асырып, «Көктем» дүкенінің қожайынынан жеті мың теңге, 16 қаңтар күні «Азия» дүкенінің иесінен он мың теңге және «Нұр» дүкенінен жеті мың теңгені «айыппұл» ретінде алып, қарасын батырған. Сөйтіп ол, араға бір апта уақыт салып, «Досааф» аялдамасындағы «ВТШ 24 часа» дүкенін «тексеріп» жүріп, кассадағы 42 мың теңгені жымқырып кеткен.
Бейсенбі, 23 ақпан 2012 8:12
Батыс Қазақстан облыстық ішкі істер департаментінің криминалдық полиция қызметкерлері ел-жұртты бірнеше рет алдап, алаяқтық жолмен ақша тауып жүрген 34 жасар азаматты құрықтады. Қала дүкендеріне бас сұққан қолтығында қара пәпкісі бар әлгі әккі жігіт өзін «Өртке қарсы басқарманың қызметкерімін» деп таныстырып, дүкендердің техникалық ақауларын анықтаған болып, хаттама толтырып, сатушылардан қомақты ақша алып отырған. Үстіміздегі жылдың 12 қаңтары күні осындай жымысқы әрекетін жүзеге асырып, «Көктем» дүкенінің қожайынынан жеті мың теңге, 16 қаңтар күні «Азия» дүкенінің иесінен он мың теңге және «Нұр» дүкенінен жеті мың теңгені «айыппұл» ретінде алып, қарасын батырған. Сөйтіп ол, араға бір апта уақыт салып, «Досааф» аялдамасындағы «ВТШ 24 часа» дүкенін «тексеріп» жүріп, кассадағы 42 мың теңгені жымқырып кеткен.
«Мың асқанға – бір тосқан» демекші, әккі алаяқ кезекті «қызметі» үстінде тәртіп сақшыларының қолына түсіп, сол жерде қамауға алынды.
Фатихолла МАШТАҚОВ, Батыс Қазақстан облыстық ішкі істер департаментінің баспасөз қызметі.
