ТМД аясындағы тағы бір кездесу

Іс-шара барысында сыртқы саясат ведомстволарының басшылары Достастық аясындағы өзара іс-қимыл­дың өзекті мәсе­ле­­лерін талқылады. Негіз­гі назар ТМД-ға қатысушы мем­ле­­кет­т­ердің қазіргі заманғы қауіп-қатер­­лерге қарсы тұру жөніндегі ынтымақ­тастығын нығайтуға, сондай-ақ эконо­ми­калық, мә­дени-гумани­тарлық және ғылы­ми-техникалық сала­лар­дағы өзара іс-қимылды кеңей­ту­ге ауда­ры­лды.

Делегация басшылары 2018 жылы ТМД шеңберінде көп деңгейлі СІМ-аралық консультациялар жоспарын іске асыру қорытындылары туралы есепті тыңдап, 2019 жылға арнал­ған жаңа Жоспарды бекітті. Бұл құжатқа сәйкес, сыртқы сая­си жоспар­лауға, қазіргі за­ман­­­ғы қауіп-қатерлерге қарсы іс-қимыл­ға, қарусыздану тақы­­­рыбы­на, экономикалық ын­ты­­­­­мақтас­тықты дамытуға, ақ­па­­­раттық саладағы өзара іс-қи­мылға, сондай-ақ БҰҰ, Еуро­­падағы қауіпсіздік және ынты­­­мақтастық ұйымы және Еуро­­па Одағы сияқты ха­лық­а­ра­лық ұйымдармен ынты­мақ­тас­­тыққа қатысты кеңес өткізу жоспарланған.

Қазақстан сыртқы саясат ведом­ство­сының басшысы бір­лес­­­кен жұмыстың арқасында Қазақ­­стан Республикасының Тұң­ғыш Президенті – Елбасы Нұрсұлтан Назарбаевтың ТМД-ның қазіргі заманғы жағ­дай­­ларға бейімделуі тура­­лы бастамасы табысты іске асырылғанын атап өтті. Нәти­­жесінде соңғы уақытта қа­ты­­су­шы мемлекеттердің ұйым қыз­ме­тіне мүдделілігінің айтар­лықтай өсуі байқалады.

Сонымен қатар Достас­тық­­қа қаты­су­­шы мемлекеттер басшы­ла­ры­ның нұс­қауларына сәйкес ТМД ел­дерінің эко­но­­­­микалық сала­дағы өзара іс-қи­мы­­лын жан­дан­дыру қажет­тілігі атап өтіл­ді. Себебі соңғы жылдары ТМД ұйы­мы тек кеңесу ұйымы­ның форматынан әрі шыға алмай қалды. Оған қоса, Украинаның бұл ұйым­ды тастап шығуы да қауым­дастыққа абырой әкелмеді. ТМД ұйымының тиімділігін жандандыру мәсе­ле­сі бұған дейін де президенттер кездесуінде де талай көтерілді. Алайда нақты нәтиженің шық­қа­ны шамалы. 

Қазақстан СІМ басшы­сы сондай-ақ Тәжікстан Респуб­ли­касының 2018 жылы Достас­тық­тағы төрағалығының қоры­тын­дысына жоғары баға беріп, оның өте мазмұнды және же­­міс­ті болғанын атап өтті. Оған қоса, Қазақ­стан тарапы Түрік­мен­стан­ды ұйымға төраға­лықтың қабылдануымен құт­тық­тап, түркімен тара­пы ұсынған төраға­лық тұжырым­да­масын табысты іске асыруға жан-жақты жәр­демдесуге дайын екендігін білдірді.

Отырыс барысында делегация басшылары бірнеше салада ұжымдаса әрекет етуге уағдаласты. Ол іргелі зерт­теулер саласындағы мемле­кет­аралық қатынастарды үйлес­тіру, мұражай ісі сала­сын­дағы ынтымақтастық, бас бостан­ды­ғы­нан айырумен байла­нысты емес жазалардың орындалуы мәселелері. Бұл сұрақтарға қатыс­ты халықаралық шарт­тар­дың жобалары мақұлданды.