Қазақта «жақсылықтың тезірек болғаны қайырлы» деген сөз бар. Кезектен тыс сайлау өткізу туралы шешім дер кезінде және ертеңгі күнді бүгін қамдаудың жарқын көрінісі деп ойлаймын. Қазір біз тарихи кезеңді бастан өткеріп жатырмыз. Бұл сайлау – Тәуелсіздігіміздегі маңызды кезең. Өйткені елімізде билік транзитін жүзеге асырудың осындай қадамы жүрді.
Сайлау қоғамды қайта құру емес, оны жақсарта түсу, ізгілендіру сияқты мақсатпен өткізіледі. Бүгінгі қоғамымыздағы ең басты мәселе – қоғамымыздағы татулық пен келісімді қамтамасыз ету, соның ішінде жекеменшікті бизнесті дамытуға жағдай жасау. Сайлаудың мерзімінен бұрын өтуі еліміздің әлеуметтік-экономикалық даму жолында алға қойған мақсаттарын одан әрі жүзеге асыруға мүмкіндік береді. Өйткені бізге нақтылық керек. Сайлау бізге қоғамда түрлі әңгімелер мен күмәнді ойларға жол бермей, шешіп алып, ары қарай Елбасымыз салып кеткен жолмен жүруге көмектеседі. Біз қазір жалпыға ортақ сайлау дәуірінде өмір сүріп жатырмыз десек болады. Бұл нақты айтқанда мемлекеттің демократиялық, прогрессивтік, құқықтық жолмен жүруінің нақты кепілі. Осындай жауапты кезеңде сайлауға қатысу азаматтардың тек өзін-өзі құрметтеуі ғана емес, жалпы Қазақстанның болашағының, ұрпақ алдында жауапкершілігін көрсетеді.
Дархан МЫҢБАЙ,
Мәжіліс депутаты
