Оған себеп болған мына жайт: Осыған дейін Шәріпова мен Хаммер Олимпия ойындарында Қазақстанның туы астында өнер көрсеткісі келетіндерін сан мәрте мәлімдеген. Алайда ондай мүмкіндік берілмей отырғандығын айтып, ұлттық құрама бапкеріне олар өз-өкпе наздарын білдірді. Осы орайда, Фируза «Присяжнюк мені көзіне де ілген жоқ» деп бас бапкерді айыптағандай болды. Осы сөздерден кейін айтулы маман кәсіпқойлар арасында елеулі табыстарға қол жеткізіп үлгерген қос боксшыны еліміздің бас командасына шақыртты.
Бір нәрсе тындырғысы келген адам бос сөйлей бермей, нақты іске көшуге тиіс. Біз Фируза Шәріповаға бір емес, бірнеше мәрте шақырту жолдағанбыз. Кристина Хаммердің де туыған-туыстарына телефон шалдық. Алайда олардың қолдары тимеді. Енді мен бас бапкер ретінде Қазақстан бокс федерациясының атынан екеуін де алдағы жарыстар – мамыр айында Шымкентте өтетін республикалық Спартакиада немесе шілдеде Нұр-Сұлтанда жалауы желбірейтін Президент кубогы жолындағы турнирге ресми түрде шақыртып отырмын. Оларға барынша қолдау көрсетіленініне кепілдік беремін. Токио Олимпиадасының алауы тұтануына аз ғана уақыт қалды. Белді бекем буатын кез келді. Немесе боз сөзді қойып, осы тақырыптың нүктесін қояйық, – деп мәлімдеді Вадим Присяжнюк.
