Бір кереметі, Тай еліне сапар шеккен бес жерлесіміздің барлығы да әнұранымызды шырқатып, елге олжалы оралды. Тарқатып айтсақ, 62 кило салмақтағы Дархан Нортаев неваза-систем тұжырымында барлық қарсыласын қапы қалдырып, бас жүлдені олжалады. Командалық әріптесінің жеңісті жолын Қуандық Қонысов жалғастырды. 56 кило салмақта күш сынасқан ол барлық бәсекеде айқын басымдық танытты. Дәл сол тұжырым бойынша әйелдер сайысында Галина Дуванова дара шықты. Ол 57 кило салмақ дәрежесінде алтыннан алқа тағынды.
Ал файтинг-систем тұжырымы бойынша өткен жарыстарда Жәнібек Әбу-Бәкір (62 кило) мен Нұрсұлтан Дүйсенқұлов (69 кило) қарсыластарын бет қатартпай ұтып, жеңіс тұғырының ең биік сатыларына көтерілді.
