Комиссияның көмегі көп

Сейсенбі, 12 маусым 2012 7:19

Елімізде алғаш рет құқық қорғау органдарының сапасын жоғары деңгейде жақсартуға ерекше назар аударылды. Қазақ жерінің мамыражай, бейбіт өміріне дүние жүзінде көз тігіп отырғандар жетерлік. Сон­дық­тан мұндай шешім бүкіл әлемде болып жатқан осындай түрлі дүрбелең оқиғаларды ескеріп, мемлекеттің тыныштығы мен қауіпсіздігін қамтамасыз етуден туындаған маңызды шара болып табылады. Бұл шара, әри­не, әрбір қазақстандық­тар­дың тағдырына тікелей әсер ететіні анық. Өйткені, құқық қорғау органдары қызметкерлерінің бір­қатары өз шендерін жеке басының мүддесіне пайдалану арқылы заңсыз іс-әрекеттерге жол берсе де жазаға тартылмай құтылып кететіндері жоқ емес.

 

Сейсенбі, 12 маусым 2012 7:19

Елімізде алғаш рет құқық қорғау органдарының сапасын жоғары деңгейде жақсартуға ерекше назар аударылды. Қазақ жерінің мамыражай, бейбіт өміріне дүние жүзінде көз тігіп отырғандар жетерлік. Сон­дық­тан мұндай шешім бүкіл әлемде болып жатқан осындай түрлі дүрбелең оқиғаларды ескеріп, мемлекеттің тыныштығы мен қауіпсіздігін қамтамасыз етуден туындаған маңызды шара болып табылады. Бұл шара, әри­не, әрбір қазақстандық­тар­дың тағдырына тікелей әсер ететіні анық. Өйткені, құқық қорғау органдары қызметкерлерінің бір­қатары өз шендерін жеке басының мүддесіне пайдалану арқылы заңсыз іс-әрекеттерге жол берсе де жазаға тартылмай құтылып кететіндері жоқ емес.

Құқық қорғау қызметі – мемлекеттің функцияларын іс жүзіне асырудың құқықтық түрі ретінде көрініс табады. Құқық қорғау органының қызметі кез келген мемлекет міндеттерінің негізгі бағыты болып есеп­телінеді. Соңғы жылдары елі­мізде терроризм, діни экстремизмге бой алдырған ұйым­дасқан қылмыстар кең етек жаюда. Сонда бұл оқиғалар біздің құқық қорғау қызметкерлерінің кәсіби деңгейінің төмендігін және төтенше жағдайларға мүл­дем дайын еместігін көрсетті. Арнайы кәсіби білімі, дайын­дығы жоқ адамдар құқық қор­ғау органдары саласында көп­теп кездесіп жататыны анық. Сол себепті аттестаттау барысы арнайы білімі жоқ, қызмет деңгейі төмен, қызметтік құ­қықтары мен міндеттерінінен бейхабар жандардан арылтуға жол ашады.

Жалпы біздің қоғамымызда, ел арасында құқық қорғау органдарына деген сенім деңгейі төмендегенін байқаймыз. Олай дейтін себебіміз, құқық қорғау органдары тарапынан қыл­мыс­тарды тіркемеу, қылмыстарды ашпау, жасыру, сонымен қатар соңғы жылдары сыбайлас жемқорлыққа қатысы бар құқық қорғау қызметкерлері үстінен қылмыстық істердің қозғалуы көңілге кірбің түсіреді.

Бүгінгі таңда ұйымдасқан қылмыстық топ мүшелеріне деген еліктеушілік жастар арасында да белең алып отыр. Сондықтан мемлекетімізде аттестаттау өткізу арқылы қо­ғамдағы құқық қорғау қызмет­керлерінің мәртебесін көте­руіміз қажет. Елдің әр азаматы өзінің құқықтары мен бостан­дықтары бұзылған жағдайда әділдікті тек құқық қорғау органдарынан іздеуі тиіс. Алайда, бүгінгі таңда жағдай бұлай болмай тұр. Аттестаттау заң талаптарына сәйкес өте жоғары деңгейде өткізілсе абзал болар еді. Мәселен, Америка Құрама Штаттарында құқық қорғау қызметкерлеріне деген қара­пайым азаматтардың сенімі жо­ғары. Өйткені, олардың қыз­меттік кәсіби біліктілігі мен сауаттылығы биік деңгейде тұр. Бұл мәселе – сол мемлекетте бірден қалыптасқан құбылыс емес. Мұндай жетістікке олар бірнеше жылдың ішінде көп­теген өзгерістердің арқасында қол жеткізді.

Құқық қорғау қызмет­кер­лерін кезектен тыс аттестаттауды өткізетін комиссия мүшелері Төле би бабамыз айтқан: «Тура биде туған жоқ, туғанды биде иман жоқ!» деген қағидатты басшылыққа алулары негізінде атқарылуы тиіс. Себебі, комиссия мүшелерінен қоғам үлкен үміт күтеді. Артымызда өсіп келе жатқан өскелең ұрпақтың қауіпсіздігін қамта­масыз ету үшін еліміздің құқық қорғау органдарын күшейту керек.

Әбдіқахар СЕЙІТЖАНОВ,

заң ғылымдарының кандидаты.

АЛМАТЫ.