Аймақтар • 23 Сәуір, 2019

Дәрігерлер Шымкентке қосылған шағынаудандарда тегін медициналық көмек көрсетеді

458 рет көрсетілді

Бүгіннен бастап мамыр айының 6 жұлдызына дейін Шымкент қаласында дәрігерлерден құралған бригада қаланың шетінде орналасқан шағынаудандарға барып, медициналық қызмет көрсетеді.

Нұршат ТӨКЕН

Айта кетерлігі, аталған жоба Қазақстанның барлық өңірлері мен қалаларында "Медицина жақын" атты акция өтуде.

Ауқымды акция барысында шымкенттік ақхалаттылар 23-30 сәуір аралығында қаланың шетіндегі шағынаудандарға барып, қабылдау жүргізеді.

Бүгін сағат 10:00 және 12:00 арасында дәрігерлер "Ақжар" шағынауданында невропатолог, кардиолог, окулист, эндокринолог, отоларинголог, маммолог/онколог, стоматолог мамандары тұрғындарды жолдамасыз қабылдап, медициналық тексеру жұмыстарын жүргізді.

Ертең, 24 сәуір күні сағ 10:00-12:00 арасында "Жаңаталап" шағынауданында дәрігерлерден құралған топ қабылдау жүргізеді. Бұл күні шағынаудандағы xалыққа невропатолог, кардиолог, окулист, эндокринолог, отоларинголог, маммолог/онколог, стоматолог мамандары медициналық қызмет көрсетеді.

25 сәуір сағ 10:00-12:00 арасында "Қайнарбұлақ"шағынауданында дәрігерлер қабылдау жүргізеді. Дәрігерлерден құралған бригада құрамында невропатолог, кардиолог, окулист, эндокринолог, отоларинголог, маммолог/онколог, стоматолог мамандары бар.

26 сәуір күні сағат 10:00-12:00 арасында "Тоғыс" шағынауданында дәрігерлер қабылдау жүргізеді. Дәрігерлерден құралған бригада құрамында невропатолог, кардиолог, окулист, эндокринолог, отоларинголог, маммолог/онколог, стоматолог мамандары бар.

29 сәуір күні сағат 10:00-12:00 аралығында "Пахтакор" шағынауданында дәрігерлер қабылдау жүргізеді. Дәрігерлерден құралған бригада құрамында невропатолог, кардиолог, окулист, эндокринолог, отоларинголог, маммолог/онколог, стоматолог мамандары халықты жолдамасыз қабылдап, керекті кеңес береді.

Күннің маңызды және өзекті жаңалықтарын «Егемен Қазақстан» телеграм каналынан оқыңыз