Аймақтар • 23 Сәуір, 2019

Білімдінің қолында алтын шырақ

592 реткөрсетілді

Дүниежүзілік кітап және авторлық құқық күніне орай, М.Х.Дулати атындағы Тараз мемлекеттік университетінің технологиялық кешенінде «Жастардың таңдауы – кітап» атты PR-акциясы өтті.

Акция барысында аталған университеттің Кітапханалық-ақпараттық орталығының директоры Гүлжан Иржанова сөз алып, кітаптың маңыздылығына тоқталды. Сонымен қатар, барша жасты кітап оқып, білімдерін шыңдауға шақырды.

 Ал, университеттің бірінші проректоры, тарих ғылымдарының докторы, профессор Асқар Абдуалы «Жас кезімізде кітапты таласып оқитын жастар көп болды. Бүгінде интернет дәуірінде студенттер, тіпті жас оқытушылардың өзі ғаламторға көп жүгінеді. Бірақ интернеттегі мәлімет білімді шыңдай алмайды, ол тек ақпарат көзі болмақ. Нағыз білім – кітапта. Шетел жастары айына шамамен 500 АҚШ доллар қаражатын кітап сатып алуға жұмсайды екен. Біздің де жастарымыз кітап сатып алуды әдетке айналдырса деймін», деп, өз ойымен бөлісті.

 Мереке қарсаңында кітапсүйер қауым арасында «Менің сүйікті кітабым» әдеби дилижанс байқауы да ұйымдастырылған болатын. Нәтижесінде ең көп кітап оқыған студенттер осы жиында марапатталды. Сайыстың қорытындысына сәйкес, 41 кітап оқыған технологиялық факультеттің студенті Дариға Қоңырова бас жүлдені жеңіп алды. Ал, 38 кітап оқыған гуманитарлық-әлеуметтік ғылымдар факультетінің студенті Жазира Жәкенова мен 27 кітап оқыған осы факультеттің студенті Индира Дүйсенбаева бірінші орынды иеленсе, гуманитарлық-әлеуметтік ғылымдар факультетінің студенті Айдана Төртқұлбаева мен технологиялық факультеттің студенті  Аружан Бейбітова екінші орыннан көрінді. Сондай-ақ, 12 және 14 кітап оқыған Диана Қанай мен Назерке Исраилова үшінші орынға ие болды. Бас жүлде мен бірінші орынды иеленген үш студент «Балдәурен – Қапшағай» Республикалық оқу-сауықтыру орталығына жолдама жеңіп алса, қалған жеңімпаздар кітаптармен және ТарМУ-дың брэнд өнімдерімен марапатталды.

Аталған акция аясында оқу ордасының қабырғасынан «COWORKING ZONE» жастардың еркін ой алмасу орталығы ашылды. Бұл орталықта студент жастар өз оқыған кітаптарын өзгелермен бөлісу мақсатында сөреге қалдырып кете алады. Және оқыған кітаптары туралы ойларын ортаға салып, әңгімелесулеріне де болады.

Баннер
Соңғы жаңалықтар

Кентавр ақынның көркем әлемі

Руханият • Бүгін, 10:26

Елбасы кітапханасы - Байқоңырда

Президент • Бүгін, 10:04

Акварель әлемі

Руханият • Бүгін, 09:41

«Хат қоржын» (21.05.2019)

Қазақстан • Бүгін, 09:36

Балама қуат көзі – ауылда

Аймақтар • Бүгін, 09:32

Ерлік ешқашан ескірмейді

Аймақтар • Бүгін, 09:17

Дайындық қыза түсті

Аймақтар • Бүгін, 09:12

Алғаш рет соя дақылын екті

Аймақтар • Бүгін, 08:48

Ене мен келін

Қоғам • Бүгін, 08:47

АХҚО биржасына қызығушылар көп

Экономика • Бүгін, 08:40

«Уақыттың уақыты жоқ»

Қоғам • Бүгін, 08:37

Тәңірдің түркіге тартуы

Руханият • Бүгін, 08:30

Қоқыс жинау қашан реттеледі?

Аймақтар • Бүгін, 08:22

Отбасы – ұлттың тірегі

Қоғам • Бүгін, 08:18

Еріктілік ізгілікке бастайды

Аймақтар • Бүгін, 08:12

Несие портфелінде нақтылық жоқ

Экономика • Бүгін, 08:10

Ұқсас жаңалықтар