Ақпарат көздеріне сүйенсек, аталмыш челлендж аясында олар қала көшелеріне «Бірлігі мықты жастар - болашаққа жол бастар», «Рухани жағынан сұлу адамдар – бұлар ең алдымен бақытты адамдар», «Әр қазақ - менің жалғызым» деген сынды өлең жолдары мен нақыл сөздер жазылған халықты ауызбірлікке, татулыққа, ұлттық патриотизмді жоғары ұстауға шақыратын тақтайшалар ілуді бастаған. Оңды істерін Елбасының «Болашаққа бағдар: рухани жаңғыру» бағдарламалық мақаласының жарияланғанына 2 жыл толуына орайластырған жастар бұл нақыл сөздер қаланың көркін асырумен бірге, жастарға тәрбиелік құрал ретінде қызмет атқарады деп түсіндіреді.
Бұған дейін 1 млн теңгеге мұқтаж жандарға пандус орнатып берген жаңаөзендік жастар ендігі кезекте аз қамтылған отбасылар үшін қайырымдылық шараларын ұйымдастырып, оларға азық-түлік және қаржылай көмек көрсетуді жоспарлап отыр. Сонымен қатар, «Жақсылық жаса» челленджі аясында көшелерге нақыл сөздер жазылған тақтайшалар орнатуды барша қазақстандық жастарға өз өңірлерінде жалғастыру үшін жолдауда.
