Қазіргі таңда қауымдастыққа 5 мыңнан астам адам мүше. Соңғы екі жылда қауымдастық мыңнан астам түрлі шаралар ұйымдастырды. Бұл шаралар әйелдер мен жастар кәсіпкерлігін қолдауға бағытталды. Сондай-ақ ұйым тарапынан еліміздің 25 мыңнан астам тұрғынына көмек көрсетілді.
Мемлекет шағын және орта бизнеске барлық жағдай жасап отыр. «Бизнестің жол картасы-2020» бағдарламасы арқылы шағын және орта бизнес саласындағы әйелдердің үлесі 44 пайызды құрады. «Жұмыспен қамтудың жол картасы-2020» бағдарламасы аясында әйелдер еңбек нарығының талабына сай біліктіліктерін жетілдіруде.
Қазақстан Дүниежүзілік банктің «Doing Business» рейтингі бойынша соңғы 10 жылда 64-орыннан 36-орынға көтерілді.
Еліміз тәуелсіздіктің алғашқы сәттерінен бастап гендерлік саясатқа, әйелдер мен балаларды қолдауға, отбасылық құндылықтарды насихаттауға баса назар аударып келеді. Қазақстан гендерлік теңгерім бойынша 140 елдің арасында 44-орында, ал әйелдердің экономикалық жағдайы бойынша 30-орында тұр.
Қазақстанның Тұңғыш Президенті – Елбасы Нұрсұлтан Назарбаевтың жүргізген салиқалы саясаты арқасында тәуелсіз еліміз мықты мемлекет болып қалыптасты. Бізді әлем мойындады.
Біз, кәсіпкер әйелдер, барлық отандастарымызды 2019 жылдың 9 маусымында өтетін Қазақстан Республикасы Президентінің сайлауына белсенді түрде қатысуға шақырамыз.
«Қазақстанның іскер әйелдер қауымдастығы» РҚБ
24 сәуір, 2019 жыл
