Аңдарға араша
Сейсенбі, 22 қаңтар 2013 7:05
Кең далада емін-еркін рұқсатсыз аң аулап, арамза ойларын іске асырып жүрген алаяқ топ ұсталды. Олар ақбөкендерді қырып салған. Казталов ауданының Сарықұдық ауылы маңында қарақшылар мінген көлікті тоқтатып, тексерген кезде бірнеше ақбөкеннің еті және кесілген мүйіздері табылды. Сонымен бірге, аңшы мылтығы оғымен тәркіленіп алынды.
Дала еркесі – ақбөкендерді аяусыз қырып, мүйіздерін алыпсатарларға ақшаға айырбастап жүрген екі ауыл тұрғыны екен. Екеуі де Казталов аудандық ішкі істер бөлімінің уақытша ұстау оқшаулағышына қамалды. Олардың үстінен ҚК-нің 288-бабы бойынша қылмыстық іс қозғалды.
Алайда, облыс аумағында рұқсатсыз аң аулау оқиғасы бәсеңдемей отыр.
Фатихолла МАШТАХОВ,
Батыс Қазақстан облыстық
ішкі істер департаментінің қызметкері.
