«Маңғыттар» мен «саңғыттар» ойыны
Сәрсенбі, 22 мамыр 2013 1:11
Бәріміз де бала кезімізден естіп өскен ертегідегі «маңғыт, аузыңа саңғыт» деген жауап сөзді жақсы білетін шығармыз. Мұның ішінде «маңғыт» болып тұрған түлкі де, оған алданып қалатын қарғаның «саңғыттың» кейпіне түсетіні де аян болар.
Міне, тап осындай «маңғыттар» мен «саңғыттар» ойыны жақында Ақтөбе қаласында болып өтіпті. Дәлірегі, осы қалада тұратын бір алаяқ әйел өтірік сөзге сенгіш жерлестерінің бір тобына арзан бағаға шетелдік автокөліктер мен элиталы пәтерлер әперуге уәде беріп, ақшаларын сықпыртып алып кеткен ғой.
Сәрсенбі, 22 мамыр 2013 1:11
Бәріміз де бала кезімізден естіп өскен ертегідегі «маңғыт, аузыңа саңғыт» деген жауап сөзді жақсы білетін шығармыз. Мұның ішінде «маңғыт» болып тұрған түлкі де, оған алданып қалатын қарғаның «саңғыттың» кейпіне түсетіні де аян болар.
Міне, тап осындай «маңғыттар» мен «саңғыттар» ойыны жақында Ақтөбе қаласында болып өтіпті. Дәлірегі, осы қалада тұратын бір алаяқ әйел өтірік сөзге сенгіш жерлестерінің бір тобына арзан бағаға шетелдік автокөліктер мен элиталы пәтерлер әперуге уәде беріп, ақшаларын сықпыртып алып кеткен ғой.
Ашықауыздарды сендіру үшін бұл әйелге банктерде таныстарының көп екенін айтудың өзі жетіп жатқан. Соған имандай сенген қала тұрғындары ақшаларын бет-жүзіне қарамай аямай бере берген. Бәрін топтай келгенде, әйел 20 млн. теңгені бір-ақ жинап алыпты. Сөйткен де, дәл түлкіше: «Маңғыт, аузыңа саңғыт!» деп жамбасына бір салып қалып, сол бойы жоғалып кеткен.
Ал нағыз «батпан құйрыққа, жолда жатқан құйрыққа» қол жеткізіп, қарық болмаққа ұмтылған «саңғыттар» күндердің күнінде уәденің соңы жұтылып бара жатқанын сезген соң дабылдарын қағып, полицияға қарай тұра жүгіріскен ғой.
Қазір аталмыш факт бойынша алаяқтық бабымен қылмыстық іс қозғалды. Күдікті қолға түсті. Ол өзінің осындай сұлу сөзді, сұйық жүрісті жек көрмейтінін мойындады. Сот оны басында қамауға алғанымен, соңынан емізулі баласы болуына байланысты сыртқа кетпейтіндігі жөніндегі қолхатпен қамаудан босатты.
Қазір алаяқ әйелдің құрығына тағы кімдердің түсіп қалғаны тексеріліп жатыр.
Құрыш НҰРЫМБЕТ.
