Айуаннан несі артық?!
Сәрсенбі, 22 мамыр 2013 1:24
Облыстық ішкі істер департаменті қызметкерлерінің шектен шыққан бейбастақтықтары мен жауыздық іс-әрекеттері қарапайым жұртшылықты ашындырып бітті. Әбден зәрезеп болғандары соншалық, тәртіп сақшысын анадайдан көрсе болды, көмек сұраудың орнына тұра қашатынды шығарды. Олардың қолымен жасалған қылмыстар адамның төбе шашын тік тұрғызып, құйқа тамырын шымырлатып қоя береді. Айта берсе, мысал көп. Жуырдағы сұмдық оқиға соның бір айғағы ғана.
Сәрсенбі, 22 мамыр 2013 1:24
Облыстық ішкі істер департаменті қызметкерлерінің шектен шыққан бейбастақтықтары мен жауыздық іс-әрекеттері қарапайым жұртшылықты ашындырып бітті. Әбден зәрезеп болғандары соншалық, тәртіп сақшысын анадайдан көрсе болды, көмек сұраудың орнына тұра қашатынды шығарды. Олардың қолымен жасалған қылмыстар адамның төбе шашын тік тұрғызып, құйқа тамырын шымырлатып қоя береді. Айта берсе, мысал көп. Жуырдағы сұмдық оқиға соның бір айғағы ғана.
Араққа сылқия тойып алған полиция формасындағы үшеу тиісерге қара таппай аласұрып тұрғанда Соколов ауылындағы мейрамхана алдында 24 жастағы Евгений деген мас жігітті көздері шалып қалады. Сірә, жол полициясы батальоны қызметкерінің оған деген ескі кегі есіне түсіп кеткен болу керек, әй-шайға келместен оны тарпа бас салады. Анау да тірі жан емес пе, барынша қарсыласып бағады. Бірақ көзі қарауытып, қаны қарайған «қызыл жағалы» алып та, шалып та жығып, машинаның багажына салған күйі Есіл өзеніне қарай тура тартады. Содан тұңғиық суға шым батырып жібереді.
Бүгінде олардың жаға жыртысын құдды кино көргендей қызыға тамашалаған Соколов ауылдық полиция бөлімінің екі қызметкері қамауға алынды. Адам өліміне тікелей себепші болған қаныпезердің Астанада онкологиялық диспансерде жатуына байланысты қатаң күзет қойылды.
Екі аяқты айуандардың құлақ естіп, көз көрмеген тағылық қылықтары департамент басшыларын ел бетіне қарай алмайтындай масқаралады. Қатаң талап, берік тәртіп босаңсыған жерде есірік атпағанда қайтеді?
Өмір ЕСҚАЛИ,
«Егемен Қазақстан».
Солтүстік Қазақстан облысы.
