Алматы қаласындағы Ы.Алтынсарин атындағы №159 гимназияда Парламент Мәжілісі Төрағасының орынбасары, Nur Otan партиясы фракциясының жетекшісі Гүлмира Исимбаева мен Мәжілістің Әлеуметтік-мәдени даму комитетінің төрайымы Гүлнәр Ихсанованың қатысуымен Nur Otan партиясының 2030 жылға дейінгі бағдарламасының – «Әрбір адам үшін қолжетімді болашақ білімі» атты екінші мақсатының жүзеге асырылуы бойынша дөңгелек үстел отырысы өтті.
Г.Исимбаеваның айтуынша, партия бағдарламасының аталған мақсаты әрбір адам үшін қолжетімді, болашақ білімді ұйымдастыруды – қазақстандықтардың инновациялық жаңа буынын дайындауды, білім саласына ең озық мамандарды тарту, білім жүйесін дамытуды көздейді.
Бүгінде Nur Otan партиясы еліміздегі әрбір мектепте IT-сыныптар ашуға, шәкірттерді компьютерлік бағдарламалар жасауға ынталандыруға, олардың бойындағы таланты мен интеллектуалдық қасиеттерін ашуға білім мекемелері арқылы барлық мүмкіндіктерді жасап отыр.
Дөңгелек үстел барысында алматылық ұстаздар өздерін толғандырып жүрген жаңа оқу бағдарламасындағы толықтыратын олқы тұстары туралы, үштілділікті енгізу, мектеп оқушыларының интеллектуалды ой-өрісін өсіруге қажетті методикалық-әдістемелік оқу құралдарының сапасын жақсарту және басқа да білімге қатысты ой-пікірлерін ортаға салды.
Мәжіліс депутаттары, Nur Otan партиясы парламенттік фракциясының мүшелері Ирина Унжакова, Евгений Козлов, Василий Олейник Нұр-Сұлтан қаласының № 64 «Асыл-бөбек» арнайы балабақшасына барды.
Депутаттар балабақша ұжымы мен тәрбиеленушілердің ата-аналарымен кездесті.
№64 балабақшаға тірек-қимыл аппараты бұзылған, мектеп жасына дейінгі балалар барады. Мұнда осындай мектеп жасына дейінгі балаларға кешенді медициналық-педагогикалық, әлеуметтік және психологиялық көмек көрсетіледі. Мамандар ерекше қажеттіліктері бар оқушылардың әлеуметтік бейімделуіне және білім беру интеграциясына жауап береді.
Халық қалаулылары барлық оқу және сауықтыру кабинеттерін қарап, күндізгі мектептің әдіснамасы және күн тәртібімен танысты.
Кездесуде депутаттар мақсатты әлеуметтік көмектің тағайындалуы, мүгедек бала тәрбиелеп отырғандардың жәрдемақысын көтеру, тұрғын үй алу, көп балалы аналарға жасалатын көмек мәселелері бойынша сұрақтарға жауап берді.
Олар бірінші кезекте Елбасының әлеуметтік бастамаларының жүзеге асырылу барысы, оның ішінде, тұрмысы төмен және көп балалы отбасыларды қолдау шараларына ерекше көңіл бөлінетіндігін атады.
– Бұл нысан қала үшін ғана емес, ел үшін де өте маңызды. Өйткені көпір екі мегаполисті – Шымкент пен Ташкентті байланыстырып, екі ел арасындағы ынтымақтастықты кеңейтуге жағдай жасайды. Сондықтан барлық мәселелер тез арада шешіліп, нысан өз уақытында пайдалануға беріледі деген сенімдеміз, – деді Дархан Мыңбай.
Сондай-ақ осы күні парламентшілер «Сәуле» ықшам ауданындағы №76 мектеп ұжымымен кездесті. Халық қалаулылары мектеп жанынан салынып жатқан қосымша 300 орындық оқу ғимараты, спорт залы, шеберхана және асхана құрылысымен танысты.
Сарайшық ауылында депутаттар «АтырауАгроөнімдері» шаруашылық қожалығының ұжымымен кездесті. Әңгіме барысында шағын және орта бизнесті мемлекеттік қолдау шаралары талқыланды.
Депутаттар сайлаушыларға Тұңғыш Президент – Елбасы Нұрсұлтан Назарбаевтың әлеуметтік бастамалары орындалу барысымен таныстырып, оның ішінде аз қамтылған және көп балалы отбасыларға қолдау көрсету туралы айтып берді.
Сондай-ақ Мәжіліс депутаттары Батыс Қазақстан мемлекеттік университетінің студенттерімен кездесті.
Әңгіме барысында студенттер мен мұғалімдерге қатысты өзекті мәселелер көтерілді. Бұл ретте бүгінгі күні қоғамда талқыланып жатқан «Мұғалімдер мәртебесі туралы» заң жобасы да назардан тыс қалмады.
