«Мәскеу-Мурманск бағытында рейсті орындаған әуе лайнерінің бортында экипаж мүшелерін қосқанда 78 адам болған. Қазіргі уақытта тергеу барысында анықталған дерек бойынша олардың 37-сі тірі қалған.
Мәскеуден Мурманск қаласына аттанған «Аэрофлот» әуе компаниясының Sukhoi Superjet 100 ұшағы жексенбі күні кешке Шереметьево әуежайына шұғыл қайтып оралды, әуеде 28 минут ұшқан ұшақ әуежайға қатты қонған. Ауа райының қолайсыздығына байланысты ұшақты екінші талпыныстан соң ғана қондыруға мүмкіндік туды. Ұшақтың тағандары сынып, қозғалтқыштары өртенген.
