• 16 Наурыз, 2010

СУПЕРКУБОК – “АҚТӨБЕДЕ”

542 рет

көрсетілді

1 мин

оқу үшін

Egemen Qazaqstan

Жексенбі күні елордадағы “Астана – Арена” стадионында өткен матчта “Ақтөбе” футбол клубы Атыраудың “Атырау” командасын 2:0 есебімен жеңіп, еліміз суперкубогының иегері атанды. Жеңімпаз командаға жеңіс сыйлаған алғашқы голды ойынның 42 минөтінде Струков соқса, 80 минөтте Аверченко есепті еселей түсті. Сөйтіп, “Ақтөбе” командасы осымен екінші мәрте аталмыш жүлдеге қол жеткізді. Суперкубокты Ұлттық футбол лигасының басшысы С.Байшақов команда капитаны Самат Смақовқа табыс етті. Осы тұста Қазақстан Футбол федерациясының бекіткен ережесіне сәйкес, Қазақстанның Суперкубогын премьер-лига командалары арасында чемпион атанған және Қазақстан кубогын жеңіп алған командалар сарапқа салатындығын айта кеткен жөн. 2008-2009 жылғы маусымда “Ақтөбе” 26 ойында 65 ұпай жинап, чемпион атанған-ды. Ал былтыр “Атырау” финалда Қарағандының “Шахтер” командасын жеңіп, Қазақстан кубогын жеңіп алған еді. Әбдірахман ҚЫДЫРБЕК.