Туристік полиция қызметінің алғашқы бөлімшесі Алакөл ауданында ашылды. 5 адамнан тұратын арнайы топ алдағы жаз маусымында Алакөл жағажайындағы қоғамдық тәртіптің сақталуына жауапты болып, демалушыларға жол мен жөн нұсқайтын міндетті де қоса атқармақ.
- Жаңадан құрылған полиция бөлімшесіндегі офицерлік құрамның штаттық саны 5 бірліктен тұрады. Қызметкерлер мұқият іріктеуден өтті, заңнаманы және шет тілдерін жақсы меңгерген. Олар еліміздің тарихын да жақсы біледі, әңгімешіл, ашық. Әрқайсысы мемлекеттік тілден бөлек, ағылшын және орыс тілдерін жақсы меңгерген. Сонымен қатар, өңіріміз Қытай Халық Республикасымен шектесетінін ескере отырып, бөлімшенің бір қызметкері қытай тілін еркін меңгерген адам болуына мән бердік. Барлығы рациялармен, планшеттермен, формалық кеудеше және басқа да қажетті заттармен жабдықталған. Жеке автокөліктері де бар», - деді Алматы облыстық полиция басқармасы баспасөз қызметінің өкілі Көбейхан Нұрахмет.
Алакөл жағалауында алғашқы болып ашылған туристік полиция бөлімшесі алдағы күндерде Қапшағай демалыс аймағы мен Кеген ауданын аумағындағы туристік нысандарда да құрылып, демалушыларға қызмет көрсететін болады.
Алматы облысы
