Осы үш жарыстың қорытындысы бойынша Голландия құрамасы ең жақсы нәтижеге қол жеткізіп отыр. Қызғалдақтар елінің өкілдері 5 алтын және 1 күміс медальді олжалады. Екінші орында – Қытай. Аспанасты елінің өрендері 3 алтын, 3 күміс және 4 қоланы қоржынға салды. Үшінші сатыға Австралия тана тіреді. Жасыл құрлық спортшыларының еншісінде 3 алтын және 3 күміс медаль бар. Сондай-ақ, «ТОП-10» команданың қатарына Ұлыбритания (3+1+2), Гонконг (2+0+0), Оңтүстік Корея (1+1+3), Германия (1+0+2), Жаңа Зеландия мен Әзірбайжан (1+0+1) және Куба мен Таиланд (1+0+0) сынды мемлекеттер бар.
Жоғарыда аталған спорт түрлері арасынан Қазақстан таэквондодан бір қолма медальға қол жеткізді. Оның иегері – 74 кило салмақ дәрежесінде өнер көрсеткен Қайрат Сарымсақов.
Ал алдағы екі айда тағы төрт спорт түрінен әлем чемпионттарының жалауы желбірейді. Олар – жағажай волейболынан (28 маусым-7 шілде, Гамбург), стенд атудан (30 маусым – 11 шілде, Лонато), желкенді спорттан (1-9 шілде, Сакаиминато) және су спорт түрлерінен (12-28 шілде, Гванджу).
