Экология • 24 Мамыр, 2019

CAWEP бағдарламасы су мәселесін шешуді көздейді

723 реткөрсетілді

Кеше Еуроодақ пен Дүниежүзілік банк Орталық Азиядағы су және энергетикалық қауіпсіздікті нығайту шараларын қолдауға 7 миллион еуро грант бөлу туралы келісімге қол қойды.

Аталған бағдарламаны жү­зеге асырудағы негізгі мақсат – Орталық Азия елдеріне бі­лім алмасу, зерттеу жұмыс­тары, жобалар да­йындауда кеңес беру ар­қылы су жә­не энер­гетика қауіпсіздігін ны­ғай­ту саласында қолдау көрсету.

− Орталық Азияда су және энер­­г­етика ресурстары бө­лін­­бейтіндіктен, осы ре­сурс­­­тарды бірге реттеу – аймақ­тың орнықты дамуында, кедейлікті қысқар­тып, климат өзгерісіне қарсы тұру қабілетін нығайтуда шешуші мәнге ие. Еуроодақ CAWEP-ке үлес қоса отырып, су және энергетика қауіпсіздігі мә­се­лелерінде елдердің ай­мақ­тық диалогы мен өзара ба­йланысын кеңейтуге ық­пал етеді. Бұл оларға тұ­ра­қ­­ты инвестиция мен әлеу­­меттік-экономикалық да­­му­ға арналған жағдайлар­ды же­тілдіруге көмектеседі, – деді Қазақстандағы Еуроодақ делегациясын басқару­шы, елші Свен-Олов Карлс­сон. Оның айтуынша, Орта­лық Азиядағы экономикалық даму, халық санының өсуі, қа­ла­­лардың өсу үрдістері мен табиғи апаттарға апарып со­ға­тын климаттың өзгеруі су­ға деген сұраныстың ар­туы­­на ықпал етуде. Егер ел­­дер суды пайдалану сала­сын­­­­дағы қазіргі саясаты мен тә­­жі­­­риб­е­сін өзгертпесе, су тап­­­шы­­­лы­ғы аймақтың эконо­мика­­лық дамуын бәсеңдетуі мүмкін. 

− Климат өзгеріп жат­қан­да, су ресурстарын ұтым­ды пай­далану әлемдегі басқа елдермен салыстырған­да Орталық Азия мемлекеттері үшін айтарлықтай диви­­денд­тер әкеле алады. Біздің ба­ға­лауымызша, суды пай­даланудың қалыптасқан үлгісі болашақта Орталық Азия­­ның экономикалық дамуы­на шешуші ықпал етеді, – деді Орталық Азиядағы Дүние­жү­зілік банктің аймақтық ди­рек­торы Лилия Бурунчук.

Айта кетерлігі, су ресурс­тарын басқару саласындағы тиім­ді стратегиялар мен ин­вес­тициялар, қазіргі таң­да осы мәселелерді шешу­ге жұм­салып жатқан экономи­ка­лық шығындардан арзан түсуі мүмкін. CAWEP бағ­дар­ламасы болашақта су-эне­ргетика ресурстары қауіп­сіздігін әрі қарай арт­тыру үшін Орталық Азия ел­деріне техникалық сараптама ұсынуды, аналитикалық және инвестициялық қолдау көрсетуді жалғастыра береді. Қазақстанда CAWEP бағдар­ламасы шеңберінде техни­ка­лық зерттеулер жүргі­зі­ліп, Арал теңізін қалпына кел­тіруге ықпал ететін жаңа ин­­ве­стициялық жобаларды жа­­сауға қолдау көрсетіледі. Еуро­одақ үлесімен бірге, бағ­дар­ламаға Швейцария үкі­меті мен Ұлыбританияның Халық­ара­лық даму департаменті көмек көрсетеді.
Баннер
Соңғы жаңалықтар

ҰБТ сынағы қалыпты өтуде

Қазақстан • Кеше

БАҚ өкілдерін құттықтады

Қазақстан • Кеше

Көмек көрсетуге шақырды

Аймақтар • Кеше

Өткінші дүние

Руханият • Кеше

Төрлетіңіз, Би-аға!

Аймақтар • Кеше

Ұқсас жаңалықтар