Шарт 2017 жылғы 24 сәуірде Вильнюсте жасалған болатын. Шарттың мақсаты – сотталған адамдардың және медициналық сипаттағы мәжбүрлеу шаралары қолданылған адамдардың өздерінің азаматтығы тиесілі қоғамға қайта араласуына жәрдем көрсету.
Шартқа сәйкес тараптар бір-біріне бас бостандығынан айыруға сотталған немесе медициналық сипаттағы мәжбүрлеу шаралары қолданылған адамдарды бұдан әрі жазасын не емдеуін өздері азаматы болып табылатын мемлекетте өтеу үшін беруге міндеттенеді. Қазіргі уақытта Литвада Қазақстанның сотталған азаматтары жоқ және Қазақстанда да жазасын өтеп жатқан Латвия азаматтары жоқ. Осы Шарттың ратификациясы алдын алу сипатына ие.
Шартта сотталған адамдарды және медициналық сипаттағы мәжбүрлеу шаралары қолданылған адамдарды беру мен одан бас тарту үшін нақты негіздер көзделген.
Осы Шарт бойынша Қазақстан Республикасынан орталық мемлекеттік орган Бас прокуратура болып табылады.
Заң жобасы Палата қарауына берілді.
