Аймақтар • 03 Маусым, 2019

Шымкенттегі кəсіпкер балалар тапқан табыстарын қайырымдылыққа жұмсайды

882 рет
көрсетілді
1 мин
оқу үшін

Шымкентте 1 маусым - халықаралық балаларды қорғау күні мерекесі аясында балалар жәрмеңкесі өтті. Аталған жəрмеңке «Shymkent» әлеуметтік-кәсіпкерлік корпорациясының қолдауымен қалада екінші рет ұйымдастырылды. Арбаттағы шарада 6 мен 14 жасқа дейінгі 90 кəсіпкер бала тапқан табыстарының 10 пайызын қайырымдылыққа жұмсамақ.

Шымкенттегі кəсіпкер балалар тапқан табыстарын қайырымдылыққа жұмсайды

«Shymkent» ӘКК басқармасының басшысы Рашид Аюпов балаларды мерекемен құттықтап, олардың белсенділік танытқан ата-анасына алғыс білдірді. Жәрмеңкені аралап, балалардың еңбегімен танысқан ол жасөспірімдердің өздері жасаған қолөнер бұйымдарын сатып алды.

«Өткен жәрмеңкеге қатысқан 70 баланың саны бұл жолы 90-ға артты. Біз алдағы уақытта балалардың жұмысын саралап, бірнеше бағытты дамытуға басымдық береміз», - деді Р.Аюпов.

Айта кетейік, мұндай жәрмеңкелер әлемнің 100-ден астам елінде өткізіледі. Жәрмеңкеге қатысу барысында балалар көшбасшылық, шешім қабылдау, қарым-қатынас дағдылары мен жауапкершілік сияқты қасиеттерді меңгереді.

Дайындық барысында балалар «Shymkent business school Y17» бизнес-мектебінде тренингтен өтті.

Саудадан түскен қаржының 10 пайызы нашар еститін балаларға арналған мектеп-интернатта робототехника кабинетін жабдықтау жөніндегі жобаны қаржыландыруға жұмсалады.