Аймақтар • 10 Маусым, 2019

Ұлы дала хикаялары

308 рет көрсетілді

Көне Тараз шаһарында заманауи өнер туындыларын жұртшылыққа насихаттау мақсатында тұңғыш рет «Ұлы дала хикаялары» атты сурет көрмесі ашылды.

Көрмеге қойылған халқы­мыздың бай тарихынан сыр шертетін туындыларды тамашалау мақсатында тараз­дық тұрғындар Жамбыл об­лыстық қазақ драма театры­на қарай ағылды. Мұнда мүсін, кескіндеме, графикалармен қатар, инсталляция, перформанс, видео және медиа-арт бағыттары да қамтылған. «Ұлы дала хи­кая­лары» атты сурет көр­месіне Жамбыл облысы әкі­мінің орын­басары Сұлу­шаш Құр­ман­­бекова арнайы барып, көрме жұ­мысымен танысты.

Тараз төрінде ұйымдас­тырылған көрме барысында көрермендерге Алма­гүл Меңлібаева, Сәу­ле Сү­лей­менова, Рашид Нү­рекеев және Ас­хат Ахмедяров сынды 10-нан астам танымал сурет­шілердің туындылары таныс­тырылды. Ал аталған көр­менің халықаралық же­текшісі Лиза Ахмадидің ай­туынша, бұл туындылар әлемнің 20-дан астам елінен жоғары бағасын алған. Су­ретшілердің шығар­ма­ла­рында көшпенді­лердің салт-дәстүрі, жал­пы дала мәдениеті қам­тыл­ған. Ал осынау ұлттық құнды­лық­тарды өнер ті­лінде сөй­лету үшін осы са­ладағы бүкіл әлемнің ең озық және мей­лінше шеберлік үлгі­лерін қолдануға барлық мүмкіндік жасал­ған. Со­нымен қатар, көрме жетек­шісі көрермен назарына ұсынылған туындылар ұлттық болмысымызды ай­шықтап, өнер және мәде­ниет, табиғат тамашалары сияқты құндылықтарды су­реттейтіндігін айтады.

Тараз тұрғындары ал­дағы бір ай бойы Жамбыл облыстық қазақ драма театры­на барып, көрмені те­гін тамашалай алады. Бұ­дан кейін көшпелі көрме керуені Сыр бойына, яғни Қызыл­орда қаласына қарай жол тартатын болады.

 

Жамбыл облысы

Соңғы жаңалықтар

Тағы 1650 қазақстандық індет жұқтырды

Коронавирус • Бүгін, 09:00

Софиядан олжалы оралды

Спорт • Бүгін, 08:40

Жас теннисшілер жарады

Теннис • Бүгін, 08:32

Тұтынушы құқығын қорғайды

Қазақстан • Бүгін, 08:27

Айбергенов күнделігі

Әдебиет • Кеше

Кофе және әдебиет - 6

Әдебиет • Кеше

Жасанды интеллект дәуірі

Технология • Кеше

Ұқсас жаңалықтар