Аймақтар • 11 Маусым, 2019

Қазақстанның Сүт одағы отандық балмұздақ компаниясының сапасын көтеруге септеседі

230 рет көрсетілді

Қазақстанның сүт одағы елімізде бірінші болып балмұздақты экспортқа шығаруға қол жеткізген «Шин-Лайн» компаниясын қатарына алды.

Одаққа қосылу екі тараптың даму стратегиясына негізделген. Бір жағынан, Қазақстанның Сүт одағының басым міндеті отандық шикізаттың жетіспеушілігін толықтыру және отандық өнімнің бәсекеге қабілеттілігін арттыру болып табылады. Екінші жағынан «Шин-Лайн» кәсіпорны Қазақстанның балмұздақ нарығының позицияларын нығайту саласында ҚСО-на өз тәжірибесін ұсынуға дайын. Бұдан былай мұндай салалық бірлестікке компанияның мүшелігі жергілікті нарық қатысушылары үшін үлкен мүмкіндіктер ашады. 

Өйткені «Шин-Лайн» компаниясы отандық индустрияны дамытуда белсенді ұстанымға ұмтылып отырғаны белгілі.

– Қазақстанның Сүт одағы сүт өнімдерінің қазақстандық тұтынушыларын қазақстандық өндіріс өнімдерін таңдауға ынталандыруға және қазақстандық нарықты жоғары сапалы және заңды түрде шығарылған тауарлармен толықтыруға күш-жігерін жұмсайды. Бизнесінің 70% балмұздақпен байланысты «Шин-Лайн» компаниясы біздің бірлестігіміздің тұтас секциясының негізін қалаушы болып табылады және өз тәжірибесін, сараптамасын енгізе алады, Қазақстандағы балмұздақ өндірісінің қауіпсіздігі мен сапасына назар аудара алады, – деді Қазақстанның Сүт одағы атқарушы директоры Владимир Кожевников.

Ендігі жерде қазақстандық сүт одағы мен «Шин-Лайн» жазғы маусымның басында тұтынушылардың назарын сауда-саттық шарттарына, оның ішінде сатып алынатын өнімдерге, сақтау мерзіміне, қаптамаға аударады. Себебі көбінесе сақтау шарттары мен температуралық режим бұзылуымен сатылатын орамсыз өнімдердің сапасы өзекті болып табылады. Егер сүт өнімдері үшін температура -6-дан -4 градусқа дейін қажет болса, онда -20 балмұздақ жазғы ыстықта ең қолайлы жағдай болып табылады. Қапталмаған, герметикалық емес орамасы бар және анық емес мәтіні бар өнімдер, өндіруші мен құрамы көрсетілмеген, құны төмендетілген өнім – тұтынушыны елең еткізуі тиіс.

– Қаптама – компания жауапкершілігі мен техрегламентке бағынудың көрінісі. Нарықтың барлық қатысушылары өнімді талаптарға сәйкес, өнімнің дұрыс атауын, шикізаттың құрамын таңбалауы қажет. Қаптамадағы шикізат құрамы мазмұнды толық ашып, дұрыс терминдерді, Кеден одағы елдерінің тілдерін, мәтінді басуда жақсы баспа сапасын пайдалануы тиіс, мұның барлығы тұтынушыға дұрыс таңдау жасауға септеседі, – деді Владимир Кожевников.

«Шин-Лайн» компаниясы сондай-ақ Ресейдің Балмұздақшылар Одағына кіргені туралы мәлімдеді. Осыған байланысты бүгінгі күні отандық компанияның ресейлік Одаққа кірудегі артықшылықтарының бірі көрші ел нарығын игеру болып табылады. Бұдан былай қазақстандық өкілдік ресейлік конференцияларда, көрмелерде, семинарларда естіліп, көрініс табады.  


АЛМАТЫ

Соңғы жаңалықтар

Тағы 1650 қазақстандық індет жұқтырды

Коронавирус • Бүгін, 09:00

Софиядан олжалы оралды

Спорт • Бүгін, 08:40

Жас теннисшілер жарады

Теннис • Бүгін, 08:32

Тұтынушы құқығын қорғайды

Қазақстан • Бүгін, 08:27

Айбергенов күнделігі

Әдебиет • Кеше

Кофе және әдебиет - 6

Әдебиет • Кеше

Жасанды интеллект дәуірі

Технология • Кеше

Ұқсас жаңалықтар