Сайлау • 11 Маусым, 2019

Халықаралық талапқа сай

269 реткөрсетілді

Қытай Халық Республикасы Сыртқы істер министрлігінің ерекше тапсырмалар жөніндегі елшісі Чжан Сиюнь 9 маусым күні елімізде өткен Президент сайлауына қатысты өз пікірін білдірді.

«Орталық сайлау комиссия­сының шақыруымен Қазақстан Президентін сайлауға байқаушы ретінде қатыстық. Біз сайлауға дейінгі дайындық жұмыстарынан бастап, сайлау барысындағы әр сәтті жіті бақыладық. Нақ­тырақ айт­сақ, Қытай Халық Респуб­ли­ка­сының делегациясы сайлау күні №121, №110, №140, №159, №58, №59 учаскелеріндегі жұ­мыс барысын бақылады. Аталған учас­келерде ешқандай да заңға қай­шы әрекеттер тіркелген жоқ», деді Чжан Сиюнь баспасөз мәсли­хатында.

Оның айтуынша, Президент сайлауы халықаралық стандарт­тарға сай өткен.

«Біз сайлау барысындағы әр дауыс берушіге берілген бюл­летеньдерді беру жұмысынан бастап, сайлаудан кейінгі дауыс­тарды есептеу сәтіндегі жұмыс­тарға дейін қадағаладық. Бар­лық учас­келерде сайлау барысы ашық әрі демократиялы түрде өтті. Аталған Президент сайлауы Қазақ­­стан заңына сәйкес және ха­лық­­аралық тәртіпке сай өткенін атап өткім келеді. Ешқандай да бұр­ма­лаушылық тіркелген жоқ. Сон­дай-ақ БАҚ өкілдері сайлау ба­ры­сында бел­сенді түрде ақпа­рат таратты», деді Чжан Сиюнь.

Жиын соңында ол Қытай бай­қау­­шы­ларының атынан Қазақ­стан­ның Орталық сайлау комис­сиясына және Қазақстанның Сырт­қы істер министрлігіне  алғыс білдірді.
Баннер
Соңғы жаңалықтар

Оралда Digital In West форумы өтті

Аймақтар • Бүгін, 12:09

Ерікті болу - ерлік

Қазақстан • 13 Қыркүйек, 2019

Өзен жағалағанның өзегі талмайды

Аймақтар • 13 Қыркүйек, 2019

Инвестиция тарту тренингі өтті

Экономика • 13 Қыркүйек, 2019

Ұқсас жаңалықтар