Меруерт Өтекешова: Болашақтың айқын бағдары

Руханият • 13 Маусым, 2019

Меруерт Өтекешова: Болашақтың айқын бағдары

Бұған дейін де Президенттің бұқаралық ақпарат құралдары арқылы айтқан ұтымды ойлары мен саяси көзқарасы, елдің келешектегі даму жоспары, ендігі жетер межесі жайындағы пікірлерін тыңдап, қолдау білдіріп келемін. Оның ішінде ең бастысы халықтың көкейіндегі мәселелерді дөп басып, оң шешім табу жолдарын қарастыру арқылы ертеңге деген сенім, болашаққа деген айқын бағдар беріп отыр. Бұл ретте қоғаммен байланыстың бекіп, халық пен биліктің арасын жақындатуды назарға алатынын айтты. Бұл – әрине көңілге қонарлық жағдай. Қазақстанның Тұңғыш Президенті – Елбасының бүгінгі күнге дейін қолға алған бастамалары мен атқарған жұмыстары алдағы уақытта да өз жалғасын табатыны айтылды. Соған сенеміз. Ендігі мемлекет басшылығының атқаруға тиіс жұмыстары мен басымдық берілетін салалардың нәтижелі болуы еш күмәнсіз.

Өзім жастармен етене байланыста болғандықтан, мемлекет тарапынан жас буынға қолдау көрсетіліп, биылғы жылды Жастар жылы деп атау дұрыс әрі орынды бастама деген ойдамын. Өзім сабақ беретін «Шабыт» университетінде Жастар жылы қарсаңында қаншама жұмыс атқарып жатқанын көріп отырмын. Жастарымыз да жан-жақты, білімді, қабілетті, ойлары ұшқыр, қиялдары жүйрік. Менің жастарға үнемі айтатыным, қоғамдық өмірге бейжай қарамай, Үкіметтің атқарған жұмысын, Мемлекет басшысы қабылдаған бағдарламаларды, Қазақстанның өзге мемлекеттермен іскерлік-мәдени байланысын газет, телеарна, радио арқылы естіп, біліп отыру қажет. Осы елдің азаматы болған соң мемлекеттік деңгейде маңызы бар бастамаларды жас буын тануға, талдауға қабілетті болуы тиіс.

Меруерт ӨТЕКЕШОВА,

Қазақстанның еңбек сіңірген әртісі, «Парасат» орденінің иегері