Ойынға Қазақстан, Ресей (татар,башқұрт), Қырғызстан, Өзбекстан, Моңғолия елдерінен 10-нан аса команда қатысуға ниет білдірген.Халықаралық әзіл фестивалі Бейбітшілік және келісім сарайында өтеді.
Бүгінде “Жайдарман” ойыны жастардың тек өнер алаңы ретінде ғана емес, қоғамдағы актуалды мәселелерді әзілмен астарлай жеткізетін өнер додасына, көрермен көзайымына айналған телевизиялық жобаға айналған. Жастар арасында қызығушылық танытушылар көбейіп, әзілкештер қатары күннен-күнге қосылуда. “Жайдарман” жобасы студенттер, оқушылар, жастардың 200 000-ға жуығын бір алаңға топтастырған екен. Жастар жылы аясында бұндай жобалардың болуы өзіндік оң нәтиже беретіні анық.
