Заңдылық мәселесі тексерілді
Сенбі, 2 наурыз 2013 8:27
Мемлекет басшысының «Қазақстан-2050» Стратегиясы – қалыптасқан мемлекеттің жаңа саяси бағыты» атты Жолдауында құқық қорғау органдарының негізгі міндеті саралана келе қылмыстық заңнаманы ізгілендіру, адамдардың бәрі заң алдында тең екендігі, соған орай барлық уақытта адамдардың заңды құқының сақталуын басты назарға алу керектігі айтылды. Осыған орай, Астана қаласының Ішкі істер департаментінің жанынан құрылған Қоғамдық кеңес азаматтардың заңды мүдделерін қорғауды, құқық бұзушылық пен қылмыспен күресудің алдын алуды қамтамасыз етуде өз қызметін жұртшылықпен тығыз қарым-қатынаста жүзеге асырып келеді.
Сенбі, 2 наурыз 2013 8:27
Мемлекет басшысының «Қазақстан-2050» Стратегиясы – қалыптасқан мемлекеттің жаңа саяси бағыты» атты Жолдауында құқық қорғау органдарының негізгі міндеті саралана келе қылмыстық заңнаманы ізгілендіру, адамдардың бәрі заң алдында тең екендігі, соған орай барлық уақытта адамдардың заңды құқының сақталуын басты назарға алу керектігі айтылды. Осыған орай, Астана қаласының Ішкі істер департаментінің жанынан құрылған Қоғамдық кеңес азаматтардың заңды мүдделерін қорғауды, құқық бұзушылық пен қылмыспен күресудің алдын алуды қамтамасыз етуде өз қызметін жұртшылықпен тығыз қарым-қатынаста жүзеге асырып келеді. Оның құрамына Парламент Сенатының, қалалық мәслихаттың депутаттары мен үкіметтік емес ұйымдардың өкілдері кірді.
Енді, міне, Астаналық полиция мен Қоғамдық кеңес мүшелерінің өзара әрекеттесуінің айғағы ретінде кеше қалалық арнайы мекемелер мен аудандық ішкі істер басқармаларында кездесу өткізілді. Адам құқығы бойынша комиссияның сарапшысы Владимир Левин мен Адам құқығы және заңдылықты сақтау жөніндегі халықаралық бюросының Астана қаласындағы филиалының өкілі, заңгер Илья Луговой Астана қаласының ІІД арнайы мекемелерін, яғни уақытша қамауда ұстау изоляторы, әкімшілік тұтқынға алынғандарды арнайы қабылдау және қабылдау-тарату орындарын аралап көрді.
Қоғам өкілдері аталған мекемелердің жұмыс тәртібімен, ұсталғандардың жағдайымен танысып, олардың полиция қызметкерлеріне наразылығы бар-жоқтығын сұрады. Сондай-ақ, Қоғамдық кеңес мүшелері аудандық ІІБ кезекші бөлімшелеріндегі уақытша ұстау камераларының жағдайымен де танысты. Қызметтің жұмысын реттейтін құжаттарды қарап, сонымен қатар, қаладағы жедел жағдайды білді.
Адам құқығы және заңдылықты сақтау жөніндегі халықаралық бюросының Астана қаласындағы филиалының өкілі, заңгер Илья Луговойдың айтуынша, тексерілген орындарда айтарлықтай кемшіліктер жоқ көрінеді. «Астаналық ІІД арнайы мекемелеріндегі атқарылып жатқан жұмыс заңды талаптарға сай, біз осындай жұмысты алдағы уақытта да жалғастырамыз», – деді Адам құқығы жөніндегі комиссияның сарапшысы Владимир Левин.
Александр ТАСБОЛАТОВ,
«Егемен Қазақстан».
