Нұрсұлтан Назарбаев – халықаралық жағдайларды тереңнен сезінетін тұлға. Оның партия басшысынан жалпыұлттық лидер болып қалыптасуы 1990 жылдардың басындағы «дауыл мен қысым» уақытында өтті. Ол Қазақстанды ішкі саяси дамумен қатар, сыртқы саясат дамуында да алға шығара алды.
Кеңестік өмір тәжірибесі мен заманауи дамудың болашағы бар басымдықтарын жете сезіне алу үйлесімділігі Нұрсұлтан Назарбаевтың бірегей саяси стилін айшықтайды. Нұрсұлтан Назарбаевтың кеңестік кезеңен қалған тәжірибесі мен өзекті мәселелерді шешу кезіндегі тапқырлығын ерекше атап өтер едім. Владимир Путин айтқандай, ол үнемі жарқын болашаққа ұмтылып тұрады және жанына жас мамандарды ертіп жүреді. Бұл – көшбасшылық қабілет.
Нұрсұлтан Назарбаевтың сыртқы саясаттағы биік беделі Қазақ елін бүкіл әлемге танытты. Әлем халықтарын бейбітшілік пен бірлікке үндейтін жаһандық бастамалары өз нәтижесін көрсетті. Бұл ретте қазіргі халықаралық қатынастардың негізгі факторларына айналған Азиядағы өзара іс-қимыл және сенім шаралары жөніндегі кеңес, Әлемдік және дәстүрлі діндер көшбасшыларының съезі, Тәуелсіз Мемлекеттер Достастығы, Шанхай ынтымақтастық ұйымы, Еуразиялық экономикалық одақтың құрылуы сияқты сыртқы саясаттағы игі жұмыстарды айрықша атар едік. Қоғамның тұрақты дамуындағы, Қазақстанның экономикалық және әлеуметтік саяси жаңғыруындағы Нұрсұлтан Назарбаевтың қызметі мен бастамаларының және барша әлемде жаһандық қауіпсіздік пен сенім ахуалын жасақтаудағы күш-жігерінің рөлі үлкен маңызға ие.
Михаил ЛИПКИН,
Ресей Ғылым академиясы
Жалпы тарих институтының директоры, РҒА профессоры
