Аймақтар • 28 Маусым, 2019

Ауыл әйелдеріне арналған мүмкіндік

246 реткөрсетілді

Ауылдық жерлердің әлеуметтік ортасын жаңғырту мақсатында «Ауыл – ел бесігі» жобасы іске қосылғаны белгілі. Мемлекеттік саясаттың негізінде Еңбек және халықты әлеуметтік қорғау министрлігі бұдан бұрын көп балалы ауыл тұрғындарына 500 мың теңгеден қайтарымсыз қаржы берілетінін хабарлаған болатын. Осы бастаманы бірқатар ұйым да қолдап, нақты жобаларын ұсынды.

Солардың бірі – «Жасыл» экономика және G-Global-ды дамыту коалициясы» ұйым­дас­тырған  әлеуметтік жо­ба. Осы жоба арқылы ауыл әйелдері жеке кәсі­бін бастауға болады. Жоба негізінде 10 адамға 4 мың доллар тұратын грантты ұтып алуға мүмкіндік бар. Бұл жөнінде бар­лық мә­ліметті өңірлерде бас­талатын ауыл әйел­дері­нің облыстық форумдарында білуге болады.

Ауыл әйелдерінің ІІ Республикалық форумын өткізуге арналған брифингте сөз ал­ған Парламент Мәжілісінің депутаты, форум­ды ұйымдастыру комитетінің төрағасы Майра Айсина аталған шара ауылдың әлеуетін көтеру, әйелдердің мүмкіндігін арттыруға ба­ғыт­талғанын айтты. «Әр әйелге – іс, елі­мізге – табыс» деген ұранмен биыл екінші рет өткелі отырған форумды Президент жанындағы Әйелдер істері және отбасылық-демографиялық саясат жөніндегі ұлттық комиссиясы, сондай-ақ Еуропалық басқару және даму банкі қолдады», деді комитет төрағасы. Оның айтуынша, биылғы ауыл әйелдерінің республикалық форумы 7-9 қа­раша аралығында елордада өтпек. Оған дейін осы ауқымды шараға дайындық ретінде об­лыстық форумдар 4 шілдеде Алматы облысында бастау алып, қазан айында Қызылорда облысында аяқталады. Облыстық форумдар әр өңірде екі күн болады, онда түрлі тре­нинг­тер, мемлекеттік және жекеменшік жобалардың түсіндіру жұмыстары, консультациялар мен кәсіпкер әйелдердің ынталандыратын баяндамалары жоспарланған.

Форум жұмысының барысымен кеңірек та­ныстырған «Жасыл» экономика және G-Global-ды дамыту коалициясы» басқарма төр­ағасы Салтанат Рақымбекова 14 облыс­та да  форумның басталғанын жеткізді. «Біз был­тырғы ауыл әйелдерінің республикалық І форумында 250 көшбасшы нәзік жандарды іріктеп, марапаттадық. Олар – қазір тамаша тре­нерлер. Көшбасшы қыз-келіншектердің сөзі, ісі, ойы мен әрбір әрекеті кәсіпті енді бас­тамақ ауыл әйелдерін сөзсіз шабыттанды­ра­ды», дейді. Оның мәлімдеуінше, коалиция қоғамдық ұйым ретінде өз жұмысын бас­таған облыстық форумдардың күн тәртібі шең­берінде үш бастама ұйымдастырыпты. Олар: «Ауыл – ел бесігі» арнайы жобасын қолдау жөніндегі меморандумға қосылу, «Ауылды тұрақты дамыту үшін үздік тәжірибелер мен бастамалар» онлайн-платформасы құрылды, сондай-ақ жетістікке жеткен ауыл  әйелдерінің республикалық марафоны жарияланды.

 

Соңғы жаңалықтар

Жазығы жоқ көктемнің

Әдебиет • Бүгін, 15:36

Шымкентте 40 586 азамат әлеуметтік төлем алды

Оңтүстік Қазақстан • Бүгін, 14:37

Еріктілердің елеулі ісі

Аймақтар • Бүгін, 14:33

Жаңатас қаласы жанданып келеді

Аймақтар • Бүгін, 10:40

Өнім бағасы көтерілмейді

Аймақтар • Бүгін, 09:32

Ұқсас жаңалықтар