Заңды тұлғаларды тіркеуді құзырына алды

«Енді біз заңды тұлғалардың құжаттарын қабылдап қана қоймай, өңдеп, мемлекеттік тіркеуге қоятын боламыз. Бұл қызметті атқару үшін Әділет министрлігінің аймақтық бөлім­шелерінен 98 қызметкер бізге ауысты, оған қоса біз 197 қыз­мет­­керімізді оқытудан өткіздік», делін­ген хабарламада.

Жаңадан енген өзгерістерге сәйкес заңды тұлғаларды, атап айт­қан­да акционерлік қоғамдарды, мем­ле­кеттік кәсіпорындарды, бар­лық коммерциялық ұйымдарды мемле­кеттік қайта тіркеу, тарату, филиал­дар мен өкілдіктерді есептік (қайта тіркеу) тіркеу қызметтері, құжаттар­дың қолданыстағы заңнамаға сәй­кестігі туралы құқықтық сараптаманы мемлекеттік корпорация қыз­меткерлері жүргізеді. 

Сонымен қатар мемлекеттік кор­пора­цияның мамандандырылған ХҚО-лар  қызметіне өзгерістер енді. 1 шілдеден бастап ондағы ІІМ қыз­мет­кер­лерін «Азаматтарға арналған үкіметтің» мамандары алмас­тырады. Көлікті тіркеуге қою немесе алу, жүргізуші куәлі­гіне өті­ніштерді  корпорация маман­дары қабылдайды, онда жүргізі­летін емти­хандарды да авто ХҚО қыз­мет­керлері өткізеді. Өз кезегін­де, барлық қабылданған өтініш­тер ІІМ-нің арнайы құрылған кеңсе­леріне өңдеу үшін онлайн түрде жіб­еріліп отырады. Бұл осы салада­ғы жем­қорлық әрекетін тыйып, мемле­кеттік қызметтердің сапалы әрі жылдам көрсетілуіне әсер етуі тиіс. 

«Бұл ауқымды өзгерістер мем­ле­кеттік қызметтердің сапалы көр­сетілуіне оң ықпал етуі тиіс. Корпо­рация­мыздың құзырына өткен мін­дет­тердің өсуі – бізге деген сенім­нің артқаны деп білемін», деп атап өтті өз парақшасында Әсемгүл Балташева.