Оңдағанов оңбады
Сенбі, 1 маусым 2013 2:13
Құқық қорғау органдары Батыс Қазақстан облысының туризм, дене шынықтыру және спорт басқармасының бұрынғы бастығы Мүсілім Оңдағановтың үстінен 40 қылмыстық іс қозғап отыр. Бұл туралы Tengrinews агенттігі хабарлады. Бұған оның әріптес-сыбайластары – допты хоккейден Қазақстан құрамасының аға жаттықтырушысы болған Марат Мангубаев пен олимпиялық резерв орталығының директоры Қоныс Жетпісовтің де қатысы бар екен.
Сенбі, 1 маусым 2013 2:13
Құқық қорғау органдары Батыс Қазақстан облысының туризм, дене шынықтыру және спорт басқармасының бұрынғы бастығы Мүсілім Оңдағановтың үстінен 40 қылмыстық іс қозғап отыр. Бұл туралы Tengrinews агенттігі хабарлады. Бұған оның әріптес-сыбайластары – допты хоккейден Қазақстан құрамасының аға жаттықтырушысы болған Марат Мангубаев пен олимпиялық резерв орталығының директоры Қоныс Жетпісовтің де қатысы бар екен.
Қазір осыған байланысты бір мезгілде қатарласа тексеріліп жатқан нысандардың саны оннан асып кетті. Олардың тізімінде аймақтың туризм, дене шынықтыру және спорт басқармасы, сондай-ақ спорт мектептері бар. Дереккөздердің айтуларына қарағанда, спорт мектептерінің басшылары, жаттықтырушылар мен спортшылар қазір осы тақырыпқа қатысты «барынша қызықты жауаптар» беріп жатқан көрінеді. Ал таяу күндері бұрынғы спорт шенеунігі құрған ұйымдасқан қылмыстық топтың басқа да мүшелері қамауға алынатын сияқты.
Еске сала кетейік, үстіміздегі жылғы 27 сәуір күні Орал қалалық соты Мүсілім Оңдағановты бюджет қаржысын ұрлады деген күдікпен екі айға қамауға санкция берген. Сосын соның алдында қамалған оның бұрынғы қызметкерлері Жетпісов пен Мангубаевтан тап осы қылмысқа байланысты жауап алынып жатқаны белгілі болды. Оларға Қылмыстық кодекстің «сенiп тапсырылған бөтен мүлiктi иеленiп алу немесе ысырап ету» бабы бойынша айып тағылған еді.
Қазір осындай 40 дерек бойынша қылмыстық іс тергеліп жатыр.
Құрыш НҰРЫМБЕТ.
