Қазақстан • 11 Шілде, 2019

Халық ықыласына бөленген гастроль

86 реткөрсетілді

Абай атындағы Қазақ мемлекеттік академиялық опера және балет театрының 85 жылдығына арналған мерейтойлық гастролі қала күні қарсаңына тұспа-тұс келіп, елорда жұртшылығы шығармашылық топты құшақ жая қарсы алды. «Астана Операның» үлкен сахнасында труппа репертуарының алтын қорындағы және көрермен көзайымына айналған классика жауһарлары ұсынылды.

Мерейтойлық бағдар­ламаны П.Масканьийдің «Сельская честь» және Р.Леон­коваллоның «Пая­цы» атты XIX ғасыр­дың соңында композ­итор­ла­р­дың байқауға арнап жаз­ған бір бөлімді опералары ашты. Спектакльдерді қою үшін Италиядан арнайы шығармашылық топ шақырылып, қос опе­раның Алматыдағы тұсау­кесері 2018 жылы өткен еді. 1890 жылы Римде жа­зылған «Сельская честь» операсының тілі халық бастауына, сол дәуір­дің тұрмыстық музыка­сына сүйенеді. Басты пар­тия­ларды: Сантуцца – Қазақстанның еңбек сіңір­ген қайраткері Гүлзат Дәуірбаева, Туридду – Нұр­жан Бажекенов, Лючия – Елена Никонова, Альфио – Ев­гений Шагаров, Лола – Оксана Давыденко) орындады. Руджеро Леонка­валлоның «Паяцы» операсы шындықтан қашып, жөн-жосықсыз рөлдерді сомдайтын, ал ақиқатқа тап болған кезде өздерінің мүсәпірлігін байқамау үшін мән-мағынасыз күйін қайта жалғастыратын күлдіргі кезбе актерлердің өмірін керемет бейнелейді. Мұндағы кейіпкерлерді Канио – Балуан Беркенов, Недда – Зарина Алтынбаева, То­нио – Александр Смета­нин, Беппо – Дархан Жол­дыбаев, Сильвио – Қазақ­станның еңбек сіңірген қай­раткері Андрей Тре­губенко үздік бейнелеп шықты. Спектакльдің қоюшы дирижері – Қазақ­станның еңбек сіңірген қайраткері Асқар Бөрі­баев, бас режиссері – Ло­ренцо Мариани (Италия), режиссері – Қазақстанның еңбек сіңірген қайраткері Ләйлім Иманғазина, хормейстері – Абай атын­дағы МАОБТ бас хор­мейстері Әлия Темір­бекова. Бұдан бөлек П.И.Чайковскийдің му­зы­ка­сына қойылған Бо­рис Эйфманның «Ан­на Каренина» атты спек­так­ліндегі Қазақстанның еңбек сіңір­ген қайраткері, Абай атындағы ҚМАОБТ прима-балеринасы Сәуле Рах­медованың бенефисі көрермендер үшін нағыз сый болды. Комедиялық спектакльдер – Дж.Рос­синидің «Күлбике» операсы мен Л. Минкустың «Дон Кихот» балеті отбасымен келген көрерменді қызыққа толы оқиғалар ізімен Испанияға саяхатқа бастап апарды. Осылайша гастрольдік сапар арқылы әртістердің кәсіби шебер­лігін, режиссурасын, жас буын өкілдерінің аяқ алысын көрсетіп қайтқан теат­р ұжымының мәртебесі мен айбары тағы бір мәр­те асқақтаған күн болды. Абай атындағы Қазақ мем­­лекеттік академиялық опера және балет театры – қазақ халқының рухани символы деуге негіз бар. Өйткені оның тарихы ұлттық опера және балет өнерінің қалыптасуымен, дамуымен және өркен­деуімен тығыз байланыс­ты. Бүгінге дейін театр сах­насында тұңғыш қазақ опералары мен балеттері, орыс, Батыс Еуропа опера классикасы сынды 300-ден астам туынды сахналанған.

 

Баннер
Соңғы жаңалықтар

Алматыда қойма өртеніп жатыр

Аймақтар • Бүгін, 09:28

20 жыл аңсаған алтын...

Спорт • Бүгін, 09:25

Сырттанов туралы сыр

Руханият • Бүгін, 09:23

«Алтын аймақ» – Ақмешітте

Руханият • Бүгін, 09:20

«Шаңырақтың» шапағаты

Руханият • Бүгін, 09:13

20 мыңға жуық адамның азабы – жол

Экономика • Бүгін, 09:11

Жұртым деп келген жеткіншектер

Руханият • Бүгін, 09:08

Тағылымы мол кездесу

Аймақтар • Бүгін, 09:03

Бақтың барар жері – ынтымақ

Аймақтар • Бүгін, 08:46

Тырнақалды туындының тың тынысы

Аймақтар • Бүгін, 08:42

Саф өнерге сұраныс жойылмайды

Руханият • Бүгін, 08:40

Әлеуметтік желілер: сөз бен көз

Руханият • Бүгін, 08:39

Аграрлық банк құрылса...

Экономика • Бүгін, 08:30

Жол құрылысына серпін берді

Саясат • Бүгін, 08:27

Құмырсқа пәлсапасы

Қоғам • Кеше

Ұқсас жаңалықтар