Саясат • 15 Шілде, 2019

Асқар Мамин Мемлекет басшысына елдің экономикалық өсімі туралы есеп берді

202 реткөрсетілді

Мемлекет басшысының қатысуымен өтіп жатқан Үкіметтің кеңейтілген отырысында Премьер-министр Асқар Мамин жыл басынан бері ел экономикасының өсу қарқыны 2,9 пайыздан 4,1 пайызға артқанын айтты.

Үкімет басшысының айтуынша, өсімнің қозғаушы күштері негізінен өнеркәсіп, құрылыс, көлік, сауда және ауыл шаруашылығы салалары.

 «Өңдеуші өнеркәсіптегі 3,4% деңгейіндегі өсім негізінен машина жасау, мұнай өңдеу, түсті металлургия, фармацевтика  және тағы да басқа салалардың есебінен қамтамасыз етілді», деді Үкімет басшысы.

Асқар Маминнің айтуынша, тау-кен өнеркәсібі 2,1% өсті, алайда көмір өндіру, сыртқы сұраныстың азаюына байланысты 5,1% төмендеді. Мұнай өндіру, Қашаған жобасындағы жөндеу жұмыстарымен байланысты – 2%  азайды. Жалпы, жыл басынан бері 14 өңірде өнеркәсіптің өсуі қамтамасыз етілген.

Сонымен қатар Үкімет басшысы егізгі капиталға инвестициялар 11,7% ұлғайды, оның ішінде жеке инвестициялар –  13% өскенін айтты.

«Бұл көрсеткіштер Қызылорда, Қарағанды және Шығыс Қазақстан облыстарында жоғары. Ал  Шымкент, Нұр-Сұлтан қалаларында және Маңғыстау облысында бұл көрсеткіштер төмендеп отыр. Құрылыс қарқыны Қызылорда, Қарағанды және Атырау облыстарында  жоғары. Бірақ, 4 өңірде өсім қамтамасыз етілмеген. Бұл - Шымкент, Нұр-Сұлтан қалалары, Маңғыстау және Солтүстік Қазақстан облыстары. Сыртқы сауда айналымы 5 айдың ішінде 3,3 % артып, 37,2 млрд. долларға дейін өсті. Мемлекеттік бюджет кірісі осы жылдың  6 айында  4 трлн. 379 млрд. теңгеге атқарылды,   бұл жоспардан 148 млрд. теңгеге артық. Бұл өткен жылдың осындай кезеңімен салыстырғанда 730  млрд.теңгеге немесе 20 % артып отыр.   Мемлекеттік бюджет шығыстары осы жылғы 1 шілдеге дейін 6 трлн. 342 млрд.теңге немесе жоспардың 99,6% құрады. Инфляция деңгейі жыл басынан бері 2,6%, ал жылдық мәнде – 5,4 % құрады» деді А.Мамин.

Сондай-ақ ол елдегі еңбек нарығы тұрақты екенін айтты. «Биылғы жылдың бірінші жарты жылда жұмыссыздық деңгейі 4,8 % құрады. 186 мың жаңа жұмыс орны құрылды, оның 126  мыңы – тұрақты» деді ол.



Баннер
Соңғы жаңалықтар

Алматыда жиһаз қоймасы өртенді

Аймақтар • Бүгін, 15:46

Балуандарымыз бабында екен

Спорт • Бүгін, 09:39

Қазақ даласында 10 жыл ат үстінде

Аймақтар • Бүгін, 09:35

Ән мен дәм

Қоғам • Бүгін, 09:22

Әкенің беделі

Аймақтар • Бүгін, 08:59

Қазақтың алтын қазынасы

Руханият • Бүгін, 08:50

Әлеуметтік саясатқа ден қойды

Қазақстан • Бүгін, 08:35

Мәжілісте күн тәртібі нақтыланды

Парламент • Бүгін, 08:14

Ұқсас жаңалықтар