Петропавл тұрғыны сәбиді ажалдан арашалап қалды

Полиция департаменті баспасөз қызметінің хабарлауынша, оқыс оқиға облыс орталығындағы көпқабатты үйлердің бірінде орын алған.  Бесінші қабатта тұратын Дмитрий даладағы айғай-шуды естіп, балконға шыққанда екі жасар нәрестенің қауіпті аймақта тұрғанын көреді.  Жалма-жан  балкон арқылы төртінші қабатқа түсіп, терезе жақтауында тұрған баланы аман-есен түсіріп алады.

Сөйтсе,  түнгі кезекшілікте болған сәбидің күтушісі қалғып кетсе керек. Абырой болғанда нәресте анасына дін-аман табысталды.