Аймақтар • 22 Шілде, 2019

Ұлттық ұлан капитаны Алматыда өртенген үйдің ішінен екі отбасыны аман алып шықты

77 реткөрсетілді

Оқыс оқиға 18 шілде күні орын алған еді. Жолдың қарсы бетінде будақтап жа­нып жатқан үйді капитан Әділжан Әкі­реевтің көзі шалып қалады. Шешім қабылдап тұратын шақ емес. Түтіндеп жатқан үйге қарай тұра ұмтылады. Тая­ғанда, үй ішінде көмекке зәру ана мен бала­­ның қалғанын аңғарады. Жаудың өзі­нен жасқануды білмейтін жан лаулаған жа­лынға лап қояды. Көрпеге орап, қыр­қы­нан шықпаған қызыл шақалақты анасымен қосып аман-есен сыртқа алып шығады.

Ал батыр жігіттің баяны мұнымен біткен емес. Адам жанын арашалаймын деп арпалысып жүргенде, балты­рын итке қаптырады. Басқа үйдің «Бөрі­басары» бас салса бір сәрі ғой, жан­ған үйдің иті «жағаласқаны» қалай жан­ға батпас?! Бірақ әскери өмір әбден шың­даған Әділжанның жолына бұл жайттар­дың бір де біреуі тоқтау бола алған жоқ.

Алаулаған қызыл жалын көрші үйдің  шатырына дейін шарпып, ол жаққа да көмек қолын созады. Кейіннен өткен жайтты есіне ал­ған батыр жігіт ерліктің ешқашан есеппен жасалмайтынын, сол сәтте Алла тағаланың өзі бойыңа бұла күш құятынын, соның арқасында еш қорқынышты сезбегенін алға тартты.

Дәрігерлердің айтуынша, құтқарған жан­дардың жағдайы қазір қалыпты көрі­неді. Ал әскери қызметкердің өзін ит қабуға қарсы екпе салу үшін емха­наға әкетіпті. 

Бізге белгілі болғандай, капитан Әділ­жан Әкіреев төрт бала тәрбиелеп отырған жан. Ұлттық ұланның 5572 әс­кери бөлімінде топ командирінің орын­басары қызметін атқарады екен.

«Егемен-ақпарат» 

Соңғы жаңалықтар

Егемендіктер елге шықты

Қазақстан • Бүгін, 11:19

Баспасөз рөлі – басты мәселе

Әдебиет • 15 Қараша, 2019

Қазақстанға шетелдік банктер келеді

Экономика • 15 Қараша, 2019

Жаңа үлгідегі көліктер

Қоғам • 15 Қараша, 2019

Ұқсас жаңалықтар