Қазан аузы жоғары
Бейсенбі, 9 мамыр 2013 1:35
«Аграрлық несие корпорациясы» АҚ көктемгі егін егу және жиын-терін жұмыстарын жүргізуге қажет 40 млрд. теңге мөлшеріндегі республикалық бюджет қаржысын толықтай игерді
Биылғы жылы корпорацияға агроөнеркәсіп кешені субъектілерін қолдау бойынша шараларды атқаруға, сондай-ақ республикалық бюджеттен көктемгі егін егу және жиын-терін жұмыстарын жүргізуге 40 млрд. теңге бөлінген болатын.
Бейсенбі, 9 мамыр 2013 1:35
«Аграрлық несие корпорациясы» АҚ көктемгі егін егу және жиын-терін жұмыстарын жүргізуге қажет 40 млрд. теңге мөлшеріндегі республикалық бюджет қаржысын толықтай игерді
Биылғы жылы корпорацияға агроөнеркәсіп кешені субъектілерін қолдау бойынша шараларды атқаруға, сондай-ақ республикалық бюджеттен көктемгі егін егу және жиын-терін жұмыстарын жүргізуге 40 млрд. теңге бөлінген болатын.
Қазіргі таңда бюджет қаржысы жүз пайыз игерілді. Қомақты ақшаның есебінен Ақмола, Алматы, Павлодар, Қарағанды, Қостанай, Шығыс Қазақстан және Солтүстік Қазақстан облыстарының ауыл шаруашылығы тауарларын өндірушілері енді 2 млн. 200 мың гектардан астам егіс аумақтарына дән сеуіп, өсірілген өнімді уақытылы жинай алады. Бұдан бөлек, ауыл шаруашылығы тауарларын өндірушілер аталған қаржы арқылы жанар-жағармай материалдарын, түрлі техникаларды жөндеу үшін қосалқы бөлшектер мен материалдарды, минералды тыңайтқыштарды, өсімдіктерді қорғау құралдарын сатып алады. Ауыл шаруашылығы өнімдерін сақтандыруда сақтандыру жарналарын төлеу және дақылдарды егіп, жинауға және өзге де қажетті шараларды дер кезінде жүзеге асыруға қол жеткізеді.
Ал бүгінгі күндері «Аграрлық несие корпорациясы» АҚ несие серіктестіктері жүйесі арқылы көктемгі егін егу жұмыстарын несиелеу аясында ауыл шаруашылығы тауар өндірушілерінен өтінімдер қабылдауды одан әрі жалғастыруда.
Бұл бағдарламаның негізінде дәл осы уақытта 2 млрд. 933 млн. теңге сомасына 409 өтінім мақұлданып үлгерді. Соған орай несие серіктестіктері жүйесі арқылы жалпы алғанда 2 млрд. 328 млн. теңгеден астам сомаға 289 ауыл шаруашылығы тауарын өндірушіге несие берілді. Осы қаржыға биылғы дала жұмыстарында шаруалар 475 мың гектардан астам егіс аумақтарына дән сеуіп, діттеген межеден көрінбек. Иә, қазан аузы жоғары деген міне осы.
«Аграрлық несие корпорациясы» акционерлік қоғамы – республика Үкіметінің қаулысымен 2011 жылы құрылған компания. Оның негізгі мақсаты – Қазақстан Республикасы агроөнеркәсіп кешені субъектілерін қолжетімді несиелеу жүйесін дамыту арқылы аграрлық саланы индустрияландыру мен әртараптандыруға атсалысу. «ҚазАгро» ұлттық басқарушы холдингінің құрамына кіретін компания басты міндет деп осыны санайды.
Марат АҚҚҰЛ,
«Егемен Қазақстан».
