Спорт • 26 Шілде, 2019

Қазақстан ұлттық құрамасы ФИФА рейтингінде екі саты жоғарылады

373 рет
көрсетілді
1 мин
оқу үшін

Халықаралық футбол федерациясының (ФИФА) ресми сайтында футболдан ұлттық құрамалардың шілде айына арналған рейтингісі жарияланды. Жаңартылған тізімде Қазақстан ұлттық құрамасы маусым айындағы рейтингпен салыстырғанда екі саты жоғарылаған.

Қазақстан ұлттық құрамасы ФИФА рейтингінде екі саты жоғарылады

Шілде айындағы рейтинг бойынша алғашқы үздік үштік аздаған өзгеріске ұшыраған. Көш басында тұрған Бельгия 1746 ұпаймен өз орнын сақтап қалса, маусым айында үшінші орында қалып қойған Бразилия (1726) жуырда Америка кубогында топ жарғанының арқасында бұл айда екінші орынға көтерілді. Ал өткен айда екінші сатыда орналасқан Франция (1718) құрамасы бұл айда үшінші орынға түсіп қалды.

Маусым айында 114-орынға тұрақ­таған Қазақстан ұлттық құрамасы екі са­тыға жоғарылап, 112-сатыға жайғасты. Ұлт­тық құрама қоржынында 1174 ұпай бар.

Айта кетейік, Михал Билек шәкірттері алдағы қыркүйек айында Еуро-2020 чемпио­натының іріктеу кезеңі аясында сырт алаңда Кипр және Ресей құрамаларымен кездесу өткізеді. 6 қыркүйекте Кипрмен ойнаса, 9 қыркүйекте Ресей футболшыларымен жасыл алаңда кездеседі.