«Инновациялық форсаж»
Бейсенбі, 30 мамыр 2013 2:01
Қостанай облысына келді
А.Байтұрсынов атындағы Қостанай мемлекеттік университетінің алдында Астанадан келген «Инновациялық форсаж» автобусын студенттер түрлі-түсті шарлатып, жалаулатып қарсы алды. Инновациялық автобустың келу мақсаты – республикада жүргізіліп жатқан инновациялық бизнес жоспарлар конкурсы туралы тұрғындарды ақпараттандыру және қауқары жетерлік кәсіпкерлерді оған қатысуға тарту болып отыр. Инновациялық жобалар конкурсынан жұртшылық телеарналардағы «Инновациялық форсаж» телешоу арқылы таныс.
Бейсенбі, 30 мамыр 2013 2:01
Қостанай облысына келді
А.Байтұрсынов атындағы Қостанай мемлекеттік университетінің алдында Астанадан келген «Инновациялық форсаж» автобусын студенттер түрлі-түсті шарлатып, жалаулатып қарсы алды. Инновациялық автобустың келу мақсаты – республикада жүргізіліп жатқан инновациялық бизнес жоспарлар конкурсы туралы тұрғындарды ақпараттандыру және қауқары жетерлік кәсіпкерлерді оған қатысуға тарту болып отыр. Инновациялық жобалар конкурсынан жұртшылық телеарналардағы «Инновациялық форсаж» телешоу арқылы таныс. Бұл жолы көрермендерді осы телешоуды қарауға үгіттеу де қаперден тыс қалмайды. «Инновациялық форсаж» автобусымен республика өңірлерін аралауды «Технологиялық даму жөніндегі ұлттық агенттік» акционерлік қоғамы Индустрия және жаңа технологиялар министрлігінің қолдауымен республикада бірінші рет ұйымдастырды. Қостанай облысы автобустың бірінші бекетіне айналды.
Автобуспен келген қонақтар агенттік пен Қостанай облысы әкімдігі және «Тобыл» ӘӘК Инвестиция тарту және инновацияны қолдау орталығының ұйымдастыруымен өткен семинарға қатысты. Онда облыс әкімінің орынбасары М.Дәрібаев қонақтар мен жергілікті кәсіпкерлерді құттықтап: «Қазір ғылымның үздік жетістіктері – сандық, нана-технологиялар заманында өмір сүріп отырмыз. Оны дүние жүзі елдері дамудың кепілі санап отыр. Біз де жаһандану кезінде осы озық технологияларды пайдалануға белсене қатысуымыз қажет. Біздің экономика инновациялық жобаларсыз, жаңалықтарсыз дүние жүзілік бәсекеге төтеп бере алмайды. Сондықтан сәуір айында Қостанайда Қазақстанның біраз өңірінен, Белоруссия мен Ресейден ғалымдар мен кәсіпкерлер қатысқан І инновациялық форум өткіздік. Онда отыздың сыртында инновациялық жобалар қатысқан көрме жұрт назарына ұсынылды. Бұл шараны да инновациялық жобалардың өмірге жолдама алуы үшін жасалып жатқан озық шараның бірі деп білемін», деді. Агенттіктің басқарушы директоры Серік Маратов, Инновациялық белсенділікті арттыру орталығының директоры Дәмір Тілеусариев инновациялық жобалар конкурсына қатысудың шарттары мен іріктеу кезеңдері туралы айтып берді. Автобуспен келген мамандар конкурсқа қатысқан ғылыми және инновациялық жобаларды жүзеге асырудың және оған мемлекеттен қаржы алудың жолдарын, тетіктерін түсіндірді. Семинарға қатысушылар сұрақтарына жауап берді. NIF$50K конкурсының өткен жылғы жүлдегері А.Нысанов өз пікірін білдірді. Инновациялық жобалар конкурсына қатысуға ынта білдіретін ғалымдар мен кәсіпкерлер облыста аз емес. Агенттік пен тележоба өкілдері солардың бірнешеуінің жұмыстарымен танысты. Осы жолы агенттік мүшелері жергілікті кәсіпкерлерден конкурсқа өтініштер қабылдады.
Мамыр айының 28-і мен маусымның 21-і аралығында «Инновациялық автобус» еліміздің барлық өңірлерін аралап өтеді. Онда «NIF$50K инновациялық жобалар конкурсының шарттары мен механизмдері туралы кеңінен түсінік жұмыстары жүргізіледі. Сонымен қатар, елімізде осындай кең ауқымды экономикалық жұмыстар жүргізіліп жатқаны барынша насихатталады.
Нәзира ЖӘРІМБЕТОВА,
«Егемен Қазақстан».
ҚОСТАНАЙ.
