Мақсат-көп балалы отбасыларға көмек беру,олардың балаларын мектепке ерте даярлап, оқуға баруына жағдай жасау.
Жалпы, қала бойынша көмекке мұқтаж 4 660 оқушы бар.
- Шілде айының басында қаладағы ірі сауда үйлерінің басшыларына және кәсіпкерлерге көп балалы және аз қамтамасыз етілген отбасыларының 1-қыркүйек жаңа оқы жылында көмек берулерін сұрап хат жаздық,-дейді білім бөлімінің мамандары.
Алдымен облыс орталығындағы «Артур» сауда үйінің әкімшілігі «Мектепке жол» шарасы аясында қаладағы мектеп оқушыларына 1 миллион теңгенің тауарларын тарту етті.
Сауда үйінің өкілдері балаларға қажетті киім-кешектер, аяқ киімдер мен сөмкелер әкеліп берді. Бұл тауарларды қалаға қарасты ауылдардағы, Кенжекөл мен Жетекші ауылындағы мектеп оқушыларына беріледі.
Ал, қала іргесіндегі кенттегі №32 мектептің тәрбие ісі жөніндегі орынбасары Райгүл Жайдабаеваның айтуынша, тұрмысы төмен отбасылардың 43 баласына киім-кешек, оқу құрал-жабдықтары, мектептің киімі және спорт формасын алдық. Ата-аналар атынан қалалық білім бөліміне және ұйымдастырушыларға алғыс айтады.
Сонымен қатар, шара барысында құрылған штаб құрамында ата-аналар бірлестігі де бар.
Қала әкімдігі басқарма басшылары, облыстық және қалалық мәслихат депутаттары, кәсіпкерлер қауымы белсенділік танытады деп сенеді.
Былтырғы жылы мемлекеттік бағдарлама шеңберінде 4 мыңнан астам балаға көмек көрсету үшін 36 миллион теңге қаражат жұмсалған.
Елімізде тұрмысы төмен және көпбалалы отбасыларының балаларына демеушілік көмек көрсетуге бағытталған іс-шараларға «Ұлттың болашағы» қоғамдық қоры бастаған іс-шаралар да жағасуда.
Павлодар
