Жеке құрам апат аймағына жеткен кезде даланы шарпыған тілсіз жау 46 гектар жерді жайпап үлгерген. Құтқарушылар отряды бөлімнің штаб бастығы подполковник Ерқанат Шеркеновтің жетекшілігімен жеке құрам өрт сөндіру құралдарымен алапат өртті ауыздықтауға кірісіп кетті. Күні бойы тынымсыз тер төгіп тілсіз жаумен айқасқан, өздерін «бауыржаншылар» санайтын ұландық құтқарушылар ақырында 30 гектардан астам аумақты қамтыған өртті сөндіріп үлгеріп, ошағын жойды. Оның ішінде Қарғалы елді-мекенінің аумағында орналасқан «Қаз селден қорғау» қызметі үйінің және Жас балалар спорттық мектебінің грек-рим күресінен спорттық секциясына қатысушы балалар лагерінің аумағындағы өрт ошағы жойылып, лагерьде демалып жатқан балалардың ысқа тұншығып, отқа күйіп қалуына жол бермеді.
Өз кезегінде «Қаз селден қорғау» қызметінің қызметкерлері мен Жас балалар спорттық мектебінің жаттықтырушылары мен демалушы балалар ұландық құтқарушыларға алғыстарын жаудырды.
АЛМАТЫ
