Қаралған мәселелер ауқымы кең

Жұма, 17 мамыр 2013 2:08

Қазақстан Республикасының Сыртқы істер министрі Ерлан Ыдырысовтың Португалия Республикасына алғашқы ресми сапары болып өтті, деп хабарлады осы ведомствоның баспасөз қызметі.

Сапар аясында ҚР СІМ басшысы Португалия Президенті Анибал Каваку Силвомен, Ассамблея (Пар­ламент) төрағасы Мария Эстевеш ха­ныммен, Сыртқы істер министрі Паулу Порташпен, сонымен қа­тар, Португалия жетекші бизнес құры­лымдарының басшылығымен бірқатар екіжақты кездесулер өткізді.

Жұма, 17 мамыр 2013 2:08

Қазақстан Республикасының Сыртқы істер министрі Ерлан Ыдырысовтың Португалия Республикасына алғашқы ресми сапары болып өтті, деп хабарлады осы ведомствоның баспасөз қызметі.

Сапар аясында ҚР СІМ басшысы Португалия Президенті Анибал Каваку Силвомен, Ассамблея (Пар­ламент) төрағасы Мария Эстевеш ха­ныммен, Сыртқы істер министрі Паулу Порташпен, сонымен қа­тар, Португалия жетекші бизнес құры­лымдарының басшылығымен бірқатар екіжақты кездесулер өткізді.

Елбасының Қазақстан сыртқы саясатын одан әрі экономияландыру бойынша тапсырмаларына орай, Е.Ыдырысовтың Лиссабондағы келіс­сөздері күн тәртібінің негізгі тақы­рыптары екіжақты сауда-эконо­ми­калық және инвестициялық ынты­мақ­тастықты белсенділендіруге бағытталды.

Атап айтқанда, тараптар Порту­га­лия бай тәжірибе жинақтаған және­ Қазақстанға қызығушылығы бар­ салалардағы, соның ішінде инф­ра­құрылым, көлік, фармацевтика, мем­лекеттік-жеке әріптестік және т.б. салалардағы өзара ықпалдастық мәсе­ле­лерін талқыға салды. Сондай-ақ, Пор­тугалия тарапы Қазақстаннан жеке инвестиция тартуға қызығушылық танытты.

Сонымен қоса, португалиялық ресми тұлғалармен кездесулер шеңберінде Қазақстан-Португалия қарым-қатынасының құқықтық базасын құрайтын негізгі құжаттарды қарастыру барысы мен қол қою мүмкіндігі талқыға салынды, олардың арасында экономикалық ынтымақтастық жөнінде, туризм жөнінде, қосарланған салық салудың алдын алу жөнінде және басқа да келісімдер бар. Тараптар үкіметаралық сауда комиссиясын құру мүмкіндігін қарастыру туралы келісімге қол жеткізді, оның негізгі жұмысы ынтымақтастықты одан әрі белсенділендіруді қамтамасыз етуге бағытталатын болады.

Лиссобонға сапары барысын­да Е.Ыдырысов ЭКСПО-98 объек­ті­лерінде болды. Ол объектілер ха­лықаралық көрмені өткізген соң­ Португалия астанасының архитек­ту­ра­лық келбетінің ажырамас бөлігіне ай­налды. Португалиялық ресми тұл­ға­лардың пікірінше, халықаралық көр­мені өткізу шараларын алдын ала жос­парлау ғана емес, сонымен қатар, көрме аяқталғаннан кейін павильондар мен басқа инфрақұрылымдардың пай­далануын жоспарлау да өте маңыз­ды.

Португалиялық тарапы Қазақ­стан делегациясының Астанада ЭКСПО-2017 көрмесін дайындау және өткізу аясында ынтымақтасу және тәжірибе алмасу ұсынысын үлкен қызығушылықпен қабыл алды.