Толғандыратын мәселе көп
Сейсенбі, 21 мамыр 2013 1:33
Осы аптада Шымкент қаласында Жастар саясаты жөнiндегi кеңестiң XV көшпелi отырысы өттi. Оған Прзидент Әкімшілігі Басшысының орынбасары, Қазақстан Президентiнiң жанындағы Жастар саясаты жөнiндегi кеңестiң төрағасы Ғабидолла Әбдiрахымов қатысты.
Бүгiнде жас буынды толғандыратын мәселелер жеткiлiктi. Оның ішінде, әсіресе, бұл жиында кәсiпкерлiктi жетiлдiру, «Жұмыспен қамту-2020» бағдарламаларындағы бағыттар бойынша түйткiлдi мәселелер ортаға салынып, шешу жолдары талқыланды.
Сейсенбі, 21 мамыр 2013 1:33
Осы аптада Шымкент қаласында Жастар саясаты жөнiндегi кеңестiң XV көшпелi отырысы өттi. Оған Прзидент Әкімшілігі Басшысының орынбасары, Қазақстан Президентiнiң жанындағы Жастар саясаты жөнiндегi кеңестiң төрағасы Ғабидолла Әбдiрахымов қатысты.
Бүгiнде жас буынды толғандыратын мәселелер жеткiлiктi. Оның ішінде, әсіресе, бұл жиында кәсiпкерлiктi жетiлдiру, «Жұмыспен қамту-2020» бағдарламаларындағы бағыттар бойынша түйткiлдi мәселелер ортаға салынып, шешу жолдары талқыланды.
Көшпелi кеңеске қатысушылар 8 топқа бөлiнiп, М.Әуезов атындағы Оңтүстік Қазақстан мемлекеттік университетінің аудиторияларында республикалық жастар ұйымдарының тұсаукесерiне және бағыттар бойынша үнқатысу жиынына қатысып, көркем сөз оқу шеберлерi мен «Жас дизайнер» байқауын тамашалап, жеңiмпаздарды марапаттады.
Қоғамның қозғаушы күшi саналатын бүгiнгi буын өкiлдерi үлкен армияны құрайды. Сондықтан бұл шараның басты мақсаты – өңiрлердегi жастардың тыныс-тiршiлiгiмен етене танысып, олардың жағдайына толық қанығу. Ашық пiкiрталас өткiзiп, толғандырған проблемалары мен өзектi мәселелерiн зерттеу. Жастардың бағалы ұсыныстарын жинақтап, қолданыстағы «Жастар саясаты туралы» заңға толықтырулар мен iшiнара өзгерiстер енгiзуге ықпал ету.
Жиында оқу орнының студенттiк ректоры Абзал Мұратұлы Елбасы тапсырмасына сәйкес үш тұғырлы тiлдi үйрену үдерiсiнiң өзi оқитын жоғары оқу орнында қалай жүзеге асып жатқанын тiлге тиек етсе, М.Әуезов атындағы ОҚМУ-дiң докторанты Ғалымжан Сейiтжанов жас ғалымдарды тәуелсiз елдiң ғылым көкжиегiн кеңейте түсуге шақырды. Берiк Серiкұлы өңiрiмiзде «Жұмыспен қамту-2020» және «Қолжетiмдi баспана» бағдарламалары бойынша атқарылып жатқан игi iстерге тоқталды. 2015 жылға дейiн бiрнеше көпқабатты үйлер салынып, 15 мың пәтер пайдалануға берiлмек. Мұнда жастардың үлес салмағы да аз болмайды.
Әрине, көшпелi отырыстың басты назарындағы мәселе «жастар арасындағы кәсiпкерлiктi қалай дамытамыз?» деген сауалға жауап iздеу едi. Президент жанындағы Жастар саясаты жөнiндегi кеңестiң ХV көшпелi отырысында, сондай-ақ, өңiрiмiздегi жастардың өзге де проблемалары сөз болды. «Жас Отан» жастар қанатының 5 аймақтан келген 11 ұйым көшбасшылары атқарған iстерi мен болашақта тындыратын жұмыстары жайлы тәжiрибе алмасты.
Оралхан ДӘУІТ,
«Егемен Қазақстан».
Оңтүстік Қазақстан облысы.
