Мағыналы да пайдалы басқосу

Бейсенбі, 13 маусым 2013 2:21

Алматы қаласында «Жас Отан» жастар қанатының ұйымдастыруымен «Жетістік формуласы» атты бизнес-мәслихат болып өтті. Бизнестің жас өкілдерінің игі бас­тамасына «Нұр Отан» халықтық-демократиялық партиясы Төрағасының бірінші орынбасары Бауыржан Байбек қатысты.

Алматы қаласында «Жас Отан» жастар қанатының ұйымдастыруымен «Жетістік формуласы» атты бизнес-мәслихат болып өтті. Бизнестің жас өкілдерінің игі бас­тамасына «Нұр Отан» халықтық-демократиялық партиясы Төрағасының бірінші орынбасары Бауыржан Байбек қатысты.
Еркін де ашық сипатта өткі­зілген басқосуда кішігірім кәсіптен бастап, үлкен бизнес­ке дейінгі жолда бизнестің жас өкіліне керекті барлық кеңестер мен нақты тәжірибелер терең қозғалды. Заманға сай істі сауатты жүргізіп, нақты жетістіктерге жету үшін білімді болумен қатар, жаңа технологияны дұрыс қолданып, әрбір бизнес өкілдің инновациялық даму жүйесі жөнінде ой-орамы мықты болуы керек. Міне, бизнестің алдыңғы буыны мен жас өкілдерінің арасында қозғалған тақырып та, ұран да осы болды.
Бауыржан Қыдырғалиұлы жастар алдында Елбасы Нұр­сұл­тан Назарбаев бүгінгі таңда мемлекетті көркейтетін және еліміздегі тұрақтылықтың нық бо­луына ықпал ететін шағын жә­не орта бизнестің дамуы үшін барлық жағдайды жасап отыр­ғанын, сондай-ақ, отандық пар­тиялардың өкілдері мен жергілікті ат­қарушы орындардың жауапты мамандары жер-жерде Елбасы тап­сырмасының орындалуын қа­таң қадағалап отырғанын жеткізді.
Сонымен қатар, партия Төраға­сының орынбасары өз сөзінде Павлодар жеріндегі «Нұр Отан» партиясының бөлімшесі қолданып отырған тиімді тәсілді де айтып өтті. Мәселен, павлодарлық жас кәсіпкерлер өз кәсібін бастау үшін қаржы көзін қалай іздеу, бизнес-жоспар жасап кәсіпті ілгерілету мен жаңа жұмыс орнын ашу жөнінде кеңес алып қана қоймай, олардың ісін бастау үшін инвестор тауып беру жүйесі де жақсы жолға қойылыпты.
Кездесу барысында Б.Байбек партияның қоғамдық қабылдауына жастардың көптеп келетіндігін, былтырғы жылы республика бойынша жастар тарапынан тоқсан мыңға тарта ұсыныс түссе, биыл тек 3 ай ішінде 50 мың жастың тіркелгенін тілге тиек етті.
Мәслихатқа жиылған жастар алдында Ресейдің Санкт-Петербург қаласында өз кәсібін бастап, қазірде Таяу Шығыс, Германия, Үндістан және Қазақстан секілді бірқатар ел­дің рыногын қамтамасыз етіп отырған «Арман» ООО-ның пре­зиденті, Ресейдің белді бизнес­мендерінің бірі Серікбай Бисекеев өзінің жетістікке жету шеберлігімен бөлісті.
Бұдан өзге, Алматы мен Атырау жерінде жанармай бекеттерін аша отырып, келе-келе мұнай өнім­дерін қайта өңдеу ісімен айналысатын мүмкіндікке қол жеткізген «Алтын Қыран» компаниялар тобының бас директоры Исламбек Салжанов, еліміздегі интернет-бизнес ассоциациясының директоры Константин Горожанкин, «BCC Invest» компаниясының қаржы директоры Рүстем Қарымов, «Centermarketing» бизнес-жүйе­сінің бас директоры Данияр Нұр­ғазиндер өз кәсібін жаңа бастау­шы жас буын алдында бизнестегі тәжірибелері мен идеяларын жария етіп, қазіргі кезде іспен айналыса жүріп білім жинақтауды да дағдыға айналдыру керектігін алға тартты.
Билік партиясы басшыларының бірімен және алыс-жақын шет елдерде жемісті еңбек етіп жүрген белді бизнесмендермен өткен кездесу жас буын өкілдері үшін аса мағыналы да пайдалы болды.
АЛМАТЫ.
Қанат ЕСКЕНДІР,
«Егемен Қазақстан».
Суреттерді түсірген
Айтжан МЫРЗАНОВ.