Бұғаз суының салқындығы 15-16 градус қана, ал осындай суға түсіп қана қоймай оны жүзіп өту ерлікке – пара-пар әрекет екені сөзсіз. Осы жетістікке орай Мәдениет және спорт министрі Ақтоты Райымқұлова өзінің жүрекжарды лебізін білдіріп, алғыс хат жолдады.
«Сіз ерекше дарындылығыңыз бен еңбекқорлығыңыздың, қайсар, өршіл мінезіңіз бен жеңіске деген құлшынысыңыздың арқасында Ұлыбритания мен Францияның жағалауларын жалғап жатқан әйгілі Ла-Манш бұғазын жүзіп өтіп, әлемге халқымыздың өршіл рухын көрсете білдіңіз. Бұл – нағыз қайсар қазақ қызының биік белесі. Алға қойған мақсаттарыңызға қол жеткізіп, жаңа асуларды бағындыра беріңіз!» делінген алғыс хатта.
Мемлекетіміздің мәртебесін биіктеткен Ә.Сытдықованы Алматы халықаралық әуежайында Т.Жүргенов атындағы Қазақ ұлттық өнер академиясының ұжымы қошеметпен қарсы алды. Туған жерге үлкен жеңіспен оралған Әнел Әлібекқызына халқымыздың ыстық ықыласы мен ақ ниетін жеткізді.
«Жарайсың, Әнел!» дейміз біз де.
Алматы
