Қазақстан • 06 Қыркүйек, 2019

Нақты міндеттер жүктейді

34 рет көрсетілді

Қазақстан халқы Ассамблеясы Төрағасының орынбасары – Президент Әкімшілігі ҚХА Хатшылығының меңгерушісі Ж.Түймебаевтың төрағалығымен Нұр-Сұлтан қаласындағы Ұлттық академиялық кітапханада ҚХА Ғылыми-сарапшылық кеңесінің кеңейтілген отырысы өтті.

Отырыста Қазақстан халқы Ассамблеясы Төрағасының орынбасары Жансейіт Түймебаев Президент Қасым-Жомарт Тоқаевтың Парламенттің бірлескен отырысында жариялаған «Сындарлы қоғамдық диалог – Қазақстанның тұрақтылығы мен өркендеуінің негізі» тақырыбындағы Жолдауы туралы баяндады.

«Біздің жиынымыз осы Жолдауды талқылауға және онда алға қойылған міндеттерді іске асыруға Ассамблеяның қатысуы мәселесіне арналып отыр», – деген Ж.Түймебаев Жолдауда көрсетілген бірқатар маңызды бағыттарға баса мән беру керек екендігін атап өтті. Олар: заманауи тиімді мемлекет құру, азаматтардың құ­қықтары мен қауіпсіздігін қамтамасыз ету, серпінді және инклюзивті экономиканы қалыптастыру, әлеу­меттік жаңғыртуды жүзеге асыру, қуатты өңірлерді қалып­тастыру. Осы бағыттардың барлығы бойынша нақты міндеттер айқындалды.

ҚХА Төрағасы орынбасарының айтуынша, Президент Қасым-Жомарт Тоқаевтың Жолдауы Қазақстанның өз дамуында жаңа кезеңге бет алуын сипаттайды деп айтуға толық негіз бар.

Қазақстан Республикасының тәуелсіз тарихында Мемлекет басшысының халыққа Жолдау жасауы – жақсы дәстүрге айналған. Бұл – мемлекет дамуының келешегін бол­жай отырып тұжырымдалатын, ел ішінде тап сол кез­де бар проблемалар түйінін шешуді көздейтін, даму бағы­тымызды айқындайтын стратегиялық құжат екені белгілі.

Отырысқа қатысушылар да, тілшілерге берген сұхбат­тарында ҚХА этномәдени бірлестіктерінің өкілдері де «Қазақстан Президенті Қ.Тоқаевтың Жолдауы ел өмі­ріндегі шешілуін күтіп тұрған көп мәселелерді дөп басқан маңызды құжат болғанын» сөз етті.

Сондай-ақ ҚХА Ғылыми-сарапшылық кеңесінің отырысында азаматтардың өтініштерін мемлекеттік органдардың қарау сапасы, елде бейбіт митингілерді еркін өткізу, пайдаланылмай жатқан ауыл шаруашылығы жерлерін қайтарып алу, мемлекеттік холдингтер мен ұлттық компаниялардың тиімділігіне талдау жүргізу сияқты Жолдауда айтылған бірқатар өзекті мәселелер талқыға салынды.

Қорыта келгенде, Парламент депутаттары, министр­ліктер мен этномәдени бірлестіктерінің өкілдері, ҚХА мен Ғылыми-сарапшылық кеңес мүшелері және Ассам­блеяның жастар қанаты қатысқан бұл жиында Қасым-Жомарт Тоқаевтың Қазақстан халқына арнаған Жолдауы ҚХА тарапынан бірауыздан қолдау тапты.

Айта кетейік, ҚХА Ғылыми-сарапшылық кеңесінің мақсаты – саяси жағдайларға болжам жасай отыра, қо­ғамды алауыздықтан сақтау. Яғни, халық санасына демо­кратиялық құндылықтардың дәнін егу, жастарды отансүйгіштікке тәрбиелеп, этносаралық қатынасты нығайту.

Соңғы жаңалықтар

Тәуелсіздіктің 30 жылдығы Лондонда тойланды

Тәуелсіздіктің 30 жылдығы • Бүгін, 10:52

Алматыда жылу жүйесі жарылды

Аймақтар • Бүгін, 10:32

Парижде Абай бюсті ашылды

Руханият • Бүгін, 10:28

6 өңір «сары» аймақта тұр

Коронавирус • Бүгін, 09:43

Талантты жастар танылды

Өнер • Бүгін, 09:33

«Төрттік финалдан» тыс қалды

Футбол • Бүгін, 09:31

Құлпырған Қызбел

Аймақтар • Бүгін, 09:26

Отар ауылындағы оңды тірлік

Аймақтар • Бүгін, 09:21

Мың бір домбыра үні

Білім • Бүгін, 09:13

Жарым көңіл балаларға барды

Аймақтар • Бүгін, 09:11

Жайық бойындағы жарасым

Қазақстан • Бүгін, 09:08

SpaceX дағдарыс алдында

Әлем • Бүгін, 09:04

Аyala-ның аялы алақаны

Аймақтар • Бүгін, 09:01

Тұрғындар белсенді емес

Қоғам • Бүгін, 08:58

Ұқсас жаңалықтар