Қазақстан • 11 Қыркүйек, 2019

Әскери әлеуетті арттыру да маңызды

70 реткөрсетілді

Сенат пен Мәжілістің бірлескен отырысында Президент Қасым-Жомарт Кемелұлы Тоқаев алтыншы сайланған Парламенттің V сессиясын ашып, алдағы уақытта атқарылатын жұмыстардың ауқымын айқындап берді.

Президенттің Қазақстан халқына арнаған Жолдауын зиялы қауыммен бірге үлкен алқалы залда тыңдадым. Жолдауда елімізде атқарылып жатқан оң өзгерістерге, алда атқарылатын жұмыстарға жан-жақты тоқталды.

Депутаттардың алдында сөз алған Мем­лекет басшысы үш партия­лы Пар­ламент жұмысының алдағы уа­қыт­та атқаратын жұмыстарына тоқ­та­ла келе, Қазақстанның Тұңғыш Пре­зи­денті – Елбасы Нұрсұлтан Әбішұлы Назар­баев­тың саясатының сабақ­тас­ты­ғын сақ­тап, жүйелі реформалар жүргізу жұ­­мыс­та­рын жоғары деңгейде жал­ғас­ты­­руды тап­сырды.

Президенттің Қазақстан халқына арнаған Жолдауы ел тұрғындарының әлеуметтік-тұрмыстық жағдайын айтар­­­лық­тай арттыруға арналған ма­ңыз­ды құжат. «Күшті Президент – ықпалды Парламент – есеп беретін Үкімет» ре­тін­де еліміздің қоғамдық-саяси өмі­рі­не соны өзгерістер енгізіп, тиімді эко­номикалық реформалар жасауға уа­қыттың өзі әкелгенін жеткізді. Де­пу­тат­тық корпустың алдын­да тұрған мін­дет­терге қатысты Президент заң шы­ға­руда қаржы тәртібін нығайту, бюд­жет қаржысын «көлеңкеге» және «кө­леңкелі эконо­ми­каға» жіберуге ба­ғыт­тал­ған заң­намалық нормаларға барынша заң­намалық тұрғыда кедергі жасау саласында жұмыс жүргізу керек­ті­гіне тоқталды.

Қоғамның басты құндылығы – адам болса, билік пен қоғам арасында аза­­­мат­­­тардың барлық өтінішіне назар аударатын мемлекетті құру бүгінгі күннің басты мақсаты екенін атап өтті. Халықпен кері байланыс орнату олар­дың өтініштерін сөзбұйдаға салмай, тез, әділ шешілуіне мемлекеттік органдар бас­шыларының назарын аударды.

Бұған қоса, Президентіміздің Жол­дау­да құқық қорғау жүйесін толық реформалау – аса маңызды міндеттердің бірі екенін атап өтіп, егеменді елдің тегеу­рінді әске­рін қалыптастыру мін­де­ті тұр­ғанын жеткізді.

Сәл артқа шегініп тарихқа көз жүгірт­­сек, Қазақстанның Қарулы Күш­­тері де елмен бірге дамып, елмен бірге заманауи талаптарға сай жетіле түскенін көрдік. Елбасының Жарлығымен 1992 жылы құрылған Қарулы Күштер алғашқы бес жылда біраз қиыншылықты бастан кешірді. Әскери кадрлар жетіспеді. Ескі техника, жанармай тапшылығы қолбайлау болды. Соның бәріне төзіп, шыдамдылық көрсетіп, тұйықтан шыға біл­дік. Қазақстанның әскери тарихында осы алғашқы қалыптасу кезеңдері алтын әріптермен жазулы тұр.

Қарулы Күштердің қалыптасуы елі­міз­дің өз алдына дербес мемлекет болып еңсе көтеруімен қатар жүзеге асты.Тәуелсіздік жылдарында Елбасының тікелей қамқорлығының арқасында елімізде офицерлер даярлаудың көп­са­лалы жүйесіне бағытталған әскери оқу орындары құрылды. Тәуелсіздігін алғанға дейін елімізде екі-ақ әскери оқу орны болған. Олар – Алматының жалпы жоғары командалық және шекаралық училищелері әскери кадр­лар­ды оқытты.

Айталық, Ақтөбеде әуе, Ал­ма­ты радио­электроника байланысы әске­ри институттарында мамандар дайындалады. Ішкі әскерлер (Ұлттық ұлан) командирлері он жеті жылдан бері Петропавлда дайындалады. Сонымен қатар Щучьеде кіші сержанттарды дайындайтын кадет корпусы жұ­мыс істейді. Одан өзге Алматыда, Шым­кентте, Қарағандыда салалық мек­­тептеріміз, Нұр-Сұлтан қаласында «Жас ұлан» мектебі әскери оқу орында­ры­на түсетін мамандарды оқытуда. Бүгінде елордамыздағы Қазақстан Рес­пуб­­ликасының Тұңғыш Президенті – Елбасы атындағы Ұлт­тық қорғаныс университеті әскери ғылымның дамуы­на негіз болып отыр деп толық айта аламын. Мұның бәрі бұрын елімізде болмаған білім ордалары. Тәуелсіздіктің арқасында қол жеткен осындай көп игі­лікті істердің бірі – әскери маман дайын­­дап, еліміздің Қарулы Күштерін Отанына адал, кәсіби тұрғыдан дайын­да­ған офицерлер елге төнген кез келген қауіпке тойтарыс бере алады деп сенім біл­діремін.

Міне, депутат ретінде бұйыртса, осы жолда еңбек етпекпін. Елбасымыз: «Біз тәуелсіздікке аңсап, зарығып жеттік. Енді сол тәуелсіздіктің қасиетті белгі­ле­рін де ерекше қадірлеуіміз, қас­тер­ле­уі­міз керек. Әрбір азамат Қа­зақ­станның Туын, Елтаңбасын, Әнұра­нын тұмардай қасиет тұтуы қажет.Елдігіміздің сынала­тын бір тұсы осы», деген пікір айтып еді.

Аңсап жеткен азаттығымыздың бо­ла­шағы баянды болуын, Прези­ден­ті­­міздің алға қойған мақ­сат­тары мен міндеттерін іске асыру жолында бар күш-жігерімізді жұмылдыруымыз керек. Бұл – ел алдындағы да басты пары­зы­мыз.

Абай ТАСБОЛАТОВ,

Парламент Мәжілісінің депутаты, Халықаралық істер, қорғаныс және қауіпсіздік комитетінің мүшесі

Баннер
Соңғы жаңалықтар

Ұлылар үндескен күн

Аймақтар • Кеше

Күлкі керуені №4

Руханият • Кеше

Ең қысқа әңгіме. Ерғали Бақаш

Ең қысқа әңгіме • Кеше

Ең қысқа әңгіме. Мақсат Мәлік

Ең қысқа әңгіме • Кеше

Ең қысқа әңгіме. Есболат Айдабосын

Ең қысқа әңгіме • Кеше

Ең қысқа әңгіме. Нәзира Жәрімбет

Ең қысқа әңгіме • Кеше

Ең қысқа әңгіме. Алмаз Мырзахмет

Ең қысқа әңгіме • Кеше

Жақсым

Руханият • Кеше

Жол үстінде босанды

Қазақстан • Кеше

Ұқсас жаңалықтар