ҚР Бас прокуратурасының ақпараты бойынша жаңа заң жобасының нормаларына сәйкес қолданыстағы заңнамаға бірқатар өзгерістер енгізіледі.
Мал ұрлығы үшін жаза 10 жылға дейін артатын болады, ұрлық, тонау және қарақшылық жасағаны үшін бас бостандығынан айыру 10 жылға дейін артады, интернет арқылы есірткі таратқаны үшін қылмыстық жаза қарастырылады.
Зорлау және жыныстық сипаттағы күш қолдану әрекеттері ауыр қылмыстар санатына ауыстырылады және осы қылмыстар үшін бас бостандығынан айыру 8 жылға дейін артады. Ал екі және одан да көп кәмелетке толмаған адамды зорлау қылмысы үшін 20 жылға дейін бас бостандығынан айырылады, кәмелетке толмағандардың жыныстық тиіспеушілігіне қарсы қылмыстары үшін жазасын өтеген адамдарға әкімшілік қадағалау мерзімі 5 жылға дейін артады.
